20 жастағы Қазыбек Нөгербек Францияның Канн қаласында өткен Festival International des Jeux 2025 шахмат турнирінде жоғары нәтиже көрсетіп, қола жүлдегер атанды. Жеңісі үшін ол 700 доллар көлемінде сыйақы алып, әлемдік рейтингтегі позициясын жақсартты, деп хабарлайды Shalqar.kz.

Каннда 24 ақпан мен 2 наурыз аралығында өткен халықаралық ойын фестиваліне бірнеше қазақстандық шахматшы қатысты. Қазыбек Нөгербек тоғыз турдың қорытындысы бойынша жеті ұпай жинап, үздік үштікті түйіндеді.

Басқа қазақстандық шахматшылар да жақсы нәтижелер көрсетті:
 • Әлішер Сүлейменов – 6 ұпай, 16-орын
 • 11 жастағы Аланна Берікқызы – 4 ұпай, 86-орын

Бұл жетістік қазақстандық шахматшылардың халықаралық деңгейде бәсекеге қабілетті екенін тағы бір мәрте дәлелдеді.