اقش پرەزيدەنتى دونالьد ترامپ ۋكرايناعا بارلىق اسكەري كومەكتى توقتاتۋعا بۇيرىق بەردى. بۇل شەشىم ونىڭ ۋكراينا پرەزيدەنتى ۆلاديمير زەلەنسكييمەن وتكەن داۋلى كەزدەسۋىمەن تىكەلەي بايلانىستى بولۋى مۇمكىن, دەپ حابارلايدى Shalqar.kz.

Bloomberg اگەنتتىگىنىڭ دەرەككوزدەرىنە سۇيەنسەك, ترامپ قورعانىس مينيسترلىگىنە ۋكرايناعا جىبەرىلۋى تيىس بارلىق اسكەري كومەكتى توقتاتۋدى تاپسىرعان. وعان قوسا, اقش-تىڭ ۋكرايناعا جونەلتۋگە دايىن تۇرعان ۇشاقتارى مەن قارۋ-جاراقتارى كەرى قايتارىلۋى مۇمكىن.

“ترامپ باسقا ەل باسشىلارىنىڭ بەيبىتشىلىككە شىن نيەتىمەن ۇمتىلاتىنىنا كوز جەتكىزبەيىنشە, ۋكرايناعا ەشقانداي كومەك جىبەرىلمەيدى”, – دەپ مالىمدەدى اتى-جونىن جارييا ەتكىسى كەلمەگەن پەنتاگون شەنەۋنىگى.

ەۋروپالىق ساراپشىلاردىڭ پىكىرىنشە, ۋكرايناعا جەتكىزىلىپ جاتقان قارۋ-جاراق جازعا دەيىن عانا جەتۋى مۇمكىن. ال ترامپتىڭ بۇل شەشىمى ەلدىڭ قورعانىس قابىلەتىنە ۇلكەن قاۋىپ توندىرەدى.

28 اقپاندا ۆلاديمير زەلەنسكيي اق ۇيدە دونالьد ترامپپەن كەلىسسوز جۇرگىزۋگە كەلگەن بولاتىن. بىراق كەزدەسۋ بارىسىندا ەكى تاراپ بىر-بىرىنە قارسى پىكىر بىلدىرىپ, جاعداي ۋشىعىپ كەتتى. زەلەنسكيي رەسەي پرەزيدەنتى ۆلاديمير پۋتينمەن كەلىسسوز جۇرگىزۋ مۇمكىن ەمەستىگىن ايتتى, ال ترامپ الەم “ۇشىنشى دۇنيەجۇزىلىك سوعىس الدىندا تۇرعانىن” مالىمدەدى.

كەلىسسوزدەردەن كەيىن وتەدى دەپ جوسپارلانعان بىرلەسكەن باسپاسوز ماسليحاتى توقتاتىلدى. زەلەنسكيي اق ۇيدەن شۇعىل تۇردە شىعىپ كەتكەنى بەلگىلى بولدى.

اق ۇي بۇل وقيعاعا قاتىستى رەسمي مالىمدەمە جاسادى, ال زەلەنسكيي وز كەزەگىندە الەۋمەتتىك جەلىدە العاشقى رەاكتسيياسىن بىلدىردى.