AQŞ prezidenti Donal'd Tramp Ukrainağa barlıq äskeri kömekti toqtatuğa bwyrıq berdi. Bwl şeşim onıñ Ukraina prezidenti Vladimir Zelenskiymen ötken daulı kezdesuimen tikeley baylanıstı boluı mümkin, dep habarlaydı Shalqar.kz.

Bloomberg agenttiginiñ derekközderine süyensek, Tramp Qorğanıs ministrligine Ukrainağa jiberilui tiis barlıq äskeri kömekti toqtatudı tapsırğan. Oğan qosa, AQŞ-tıñ Ukrainağa jöneltuge dayın twrğan wşaqtarı men qaru-jaraqtarı keri qaytarıluı mümkin.

“Tramp basqa el basşılarınıñ beybitşilikke şın nietimen wmtılatınına köz jetkizbeyinşe, Ukrainağa eşqanday kömek jiberilmeydi”, – dep mälimdedi atı-jönin jariya etkisi kelmegen Pentagon şeneunigi.

Europalıq sarapşılardıñ pikirinşe, Ukrainağa jetkizilip jatqan qaru-jaraq jazğa deyin ğana jetui mümkin. Al Tramptıñ bwl şeşimi eldiñ qorğanıs qabiletine ülken qauip töndiredi.

28 aqpanda Vladimir Zelenskiy Aq üyde Donal'd Tramppen kelissöz jürgizuge kelgen bolatın. Biraq kezdesu barısında eki tarap bir-birine qarsı pikir bildirip, jağday uşığıp ketti. Zelenskiy Resey prezidenti Vladimir Putinmen kelissöz jürgizu mümkin emestigin ayttı, al Tramp älem “üşinşi düniejüzilik soğıs aldında twrğanın” mälimdedi.

Kelissözderden keyin ötedi dep josparlanğan birlesken baspasöz mäslihatı toqtatıldı. Zelenskiy Aq üyden şwğıl türde şığıp ketkeni belgili boldı.

Aq üy bwl oqiğağa qatıstı resmi mälimdeme jasadı, al Zelenskiy öz kezeginde äleumettik jelide alğaşqı reakciyasın bildirdi.