20 جاستاعى قازىبەك نوگەربەك فرانتسييانىڭ كانن قالاسىندا وتكەن Festival International des Jeux 2025 شاحمات تۋرنيرىندە جوعارى ناتيجە كورسەتىپ, قولا جۇلدەگەر اتاندى. جەڭىسى ۇشىن ول 700 دوللار كولەمىندە سىياقى الىپ, الەمدىك رەيتينگتەگى پوزيتسيياسىن جاقسارتتى, دەپ حابارلايدى Shalqar.kz.

كانندا 24 اقپان مەن 2 ناۋرىز ارالىعىندا وتكەن حالىقارالىق ويىن فەستيۆالىنە بىرنەشە قازاقستاندىق شاحماتشى قاتىستى. قازىبەك نوگەربەك توعىز تۋردىڭ قورىتىندىسى بويىنشا جەتى ۇپاي جيناپ, ۇزدىك ۇشتىكتى تۇيىندەدى.

باسقا قازاقستاندىق شاحماتشىلار دا جاقسى ناتيجەلەر كورسەتتى:
 • الىشەر سۇلەيمەنوۆ – 6 ۇپاي, 16-ورىن
 • 11 جاستاعى الاننا بەرىكقىزى – 4 ۇپاي, 86-ورىن

بۇل جەتىستىك قازاقستاندىق شاحماتشىلاردىڭ حالىقارالىق دەڭگەيدە باسەكەگە قابىلەتتى ەكەنىن تاعى بىر مارتە دالەلدەدى.