ۇلتتىق ونەر – حالىقتىڭ رۋحاني مۇراسى. ال ونى ساقتاپ, جاڭا بەلەسكە كوتەرۋ – ناعىز شەبەرلەردىڭ ەڭبەگى. سونداي سيرەك دارىن يەلەرىنىڭ بىرى – يكرامجان رافيكوۆ. ول 30 جىلدان استام ۋاقىتىن زەرگەرلىك ونەرگە ارناپ, قازاقتىڭ داستۇرلى اشەكەي بۇيىمدارىن جاڭعىرتىپ كەلەدى, دەپ حابارلايدى Shalqar.kz تىلشىسى egemen.kz سايتىنا سىلتەمە جاساپ.

زەرگەردىڭ قولىنان شىققان سىرعا, القا, بىلەزىك, جۇزىك پەن بەلدىكتەر تەك حVIII–XX عاسىرلارداعى قازاق مادەنيەتىنە عانا تان ەمەس, سونىمەن قاتار ساق داۋىرىنىڭ ورنەكتەرىن دە بويىنا سىڭىرگەن. وسىنداي شەبەرلىك پەن ۇقىپتىلىقتى تالاپ ەتەتىن ونەرگە بۇگىندە جاستاردىڭ قىزىعۋشىلىعى تومەندەپ بارادى.

«قازىرگى جاستاردىڭ كوبىسى بلوگەرلىكتى تاڭداپ, جىلدام تابىس تاپقىسى كەلەدى. ال زەرگەرلىك – توزىم مەن تاباندىلىقتى قاجەت ەتەتىن كاسىپ. بۇل ونەردى يگەرۋ ۇشىن كەمى 3–4 جىل قاجىرلى ەڭبەك ەتۋ كەرەك», – دەيدى يكرامجان رافيكوۆ.

زەرگەر شەبەرلىگى تەك ەلىمىزدە عانا ەمەس, الەمدىك دەڭگەيدە دە مويىندالدى. ول نەپال, ىستانبۇل, قوقان, تاشكەنت سىندى قالالاردا وتكەن حالىقارالىق كورمەلەر مەن فەستيۆالьدەردە قازاقتىڭ زەرگەرلىك ونەرىن ناسيحاتتاپ, جۇلدەلى ورىندارعا يە بولعان.

2019 جىلى ۆاشينگتوندا وتكەن دۇنيەجۇزىلىك كورمەدە قازاقستان اتىنان قاتىسىپ, ۇلتتىق ونەرىمىزدى الەمگە ايگىلەدى. ال 2021 جىلى نьيۋ-يوركتە وتكەن ەرەكشە بايقاۋدا حVIII عاسىر ستيلىندە جاسالعان القاسى جوعارى باعالانىپ, «الەمنىڭ قولونەرشىسى» اتاعىن يەلەندى.

«بۇل بايقاۋعا قاتىسۋ ۇشىن اشەكەيدى وزىڭ ەمەس, تەك تۋىندىڭدى جىبەرۋ قاجەت بولدى. قازىلار القاسى قازاقتىڭ ويۋ-ورنەگىنە تانتى بولىپ, بىرنەشە رەت حابارلاسىپ, ولاردىڭ ماعىناسىن سۇرادى», – دەيدى شەبەر.

زەرگەر ونەرى ار حالىقتىڭ مادەنيەتىنە ساي وزىندىك ەرەكشەلىكتەرگە يە. يكرامجان رافيكوۆتىڭ ايتۋىنشا, وزبەك زەرگەرلەرى كوبىنە التىن بۇيىمدارعا مان بەرسە, قازاق شەبەرلەرى كۇمىستى كوبىرەك قولدانادى. سونداي-اق ەلىمىزدىڭ ار وڭىرىندەگى زەرگەرلىك بۇيىمدار كورشى حالىقتاردىڭ مادەني ىقپالىنا بايلانىستى وزىندىك ەرەكشەلىكتەرگە يە.

شەبەردىڭ ارمانى – قازاق زەرگەرلىگىنىڭ مۇرالارىن ۇرپاقتان-ۇرپاققا جەتكىزۋ. «ادام ومىردەن وتەدى, بىراق ونىڭ ارتىندا قالعان ونەرى مەن ىزگى امالدارى ماڭگى جاسايدى», – دەيدى يكرامجان اكا.