11 наурызға қараған түні Жетісу облысының тұрғындары жер сілкінісін сезді. Қазақстандық сейсмологтар табиғи құбылысты тіркеп, оның эпицентрі Қазақстан мен Қытай шекарасында орналасқанын мәлімдеді, деп хабарлайды Shalqar.kz.

ҚР ТЖМ “Сейсмологиялық зерттеу институты” ЖШС дерегіне сәйкес, жер сілкінісі Астана уақытымен сағат 01:26-да тіркелген.

Жер дүмпуі Жетісу облысының Жаркент қаласында 2 балл шамасында сезілді. Қуанышқа орай, қираған ғимараттар мен зардап шеккендер туралы ақпарат түскен жоқ.

Мамандар тұрғындарға кез келген төтенше жағдайға дайын болуды ескертеді.