Спорт

Автор: ADMIN

Спорт

Следуй за нами

30

Михаил Кукушкин АҚШ-та керемет камбэк жасап, жеңіске жетті

news single

Қазақстандық теннисші Михаил Кукушкин Финикс (АҚШ) челленджер турниріндегі алғашқы кездесуінде қиындыққа қарамастан, жеңісті жұлып алды. Әлемнің 166-ракеткасы тізімдегі 140-орында тұрған америкалық Митчелл Крюгермен өткен матчта алғашқы сетте ұтылғанымен, кейінгі екі сетте қарқынды ойын көрсетіп, 5:7, 7:6 (7:2), 6:0 есебімен басым түсті, деп хабарлайды Shalqar.kz.

Екі сағат 18 минутқа созылған тартысты бәсекеде Кукушкин 4 эйс жасап, 12 брейк-пойнттың тең жартысын тиімді пайдаланды. Қарсыласы 8 эйс пен 4 брейк жасаса да, шешуші сәттерде қазақстандық спортшының тәжірибесі жеңіске жетеледі.

Іріктеу кезеңінің финалында Кукушкин әлемдік рейтингте 458-орында тұрған словениялық Бор Артнакпен кездеседі. Егер жеңіске жетсе, негізгі турнирге жолдама алады.

Бұл турнирде Қазақстанның бірінші және екінші ракеткалары Александр Бублик пен Александр Шевченко да бақ сынайды. Бублик (82-орын) алғашқы айналымда әлемнің 64-ракеткасы Александр Вукичпен (Австралия) кездессе, Шевченко (98-орын) америкалық Колтон Смитке (261-орын) қарсы ойнайды.

Ал Шербур (Франция) челленджер турнирінде өнер көрсеткен Бейбіт Жұқаев (213-орын) пен Денис Евсеев (256-орын) алғашқы айналымнан аса алмады. Жұқаев франциялық Ма Малижден 3:6, 6:2, 4:6 есебімен ұтылса, Евсеев жапониялық Юта Симидзуға 2:6, 6:3, 3:6 есебімен жол берді.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться