دەيدى ميلان قىسقى ويىندار وليمپياداسىنا قاتىسۋشى سپورتشىلار

    بۇگىنگى تاڭدا ميلان-كورتينا 2026 قىسقى وليمپيادا ويىندارى يتالييادا قىزىقتى وقيعالارعا تولى بولىپ جاتىر.  ويىندارعا الەمنىڭ 90-نان استام ەلىنەن سپورتشىلار كەلدى. بارلىعى 2900-گە جۋىق اتلەت باق سىناسۋدا. ايتا كەتەرلىگى, بۇل وليمپيادا گەندەرلىك تەڭدىك بويىنشا رەكوردتىق كورسەتكىشكە يە - ايەلدەر ۇلەسى 47%-دى قۇرايدى. جارىستار يتالييانىڭ سولتۇستىگىندەگى ەكى نەگىزگى قالا (ميلان جانە كورتينا-د’امپەتستسو) مەن بىرنەشە الьپىلىك ايماقتاردا (ۆالь-دي-فьەممە, ۆالьتەللينا) وتۋدە. باعدارلامادا 8 سپورت تۇرى (16) بويىنشا 116 مەدالь جيىنتىعى ساراپقا سالىنۋدا. ونىڭ ىشىندە جاڭادان سكي-الьپينيزم (تاۋ شاڭعىسىمەن ورلەۋ جانە تۇسۋ) تۇرى قوسىلدى.

   قازىرگى ۋاقىتتا جالپى كوماندالىق ەسەپتە داستۇرلى كوشباسشىلار - نورۆەگييا, گەرمانييا جانە اۆسترييا الدىڭعى قاتاردا كەلە جاتىر. الايدا, يتالييا (ۇي يەسى رەتىندە) جانە قازاقستان سيياقتى ەلدەر جەكەلەگەن سايىس تۇرلەرى بويىنشا كۇتپەگەن ناتيجەلەر كورسەتىپ, جانكۇيەرلەردى قۋانتۋدا.

    ميلان-كورتينا 2026 قىسقى وليمپياداسىندا قازاقستان نامىسىن 36 سپورتشى سپورتتىڭ 9 تۇرىنەن قورعاپ جاتىر. كوماندا قۇرامىندا تاجىريبەلى شەبەرلەر دە, تالانتتى جاستار دا بار. سپورت تۇرلەرى بويىنشا نەگىزگى قاتىسۋشىلار مەن ولاردىڭ (بۇگىنگى كۇنگە دەيىنگى) ناتيجەلەرى تۋرالى ۆيتار بولماق, فريستايل (موگۋل جانە اكروباتيكا). بۇل بىزدىڭ باستى ۇمىت ارتقان باعىتىمىز. موگۋل (جەكە سىندا): ەرلەر: پاۆەل كولماكوۆ (9-ورىنعا جۋىق ناتيجە كورسەتتى). ايەلدەر: يۋلييا گالىشەۆا, اناستاسييا گورودكو, اياۋلىم امرەنوۆا. يۋلييا مەن اناستاسييا ىرىكتەۋدەن ساتتى وتىپ, فينالدىق كەزەڭدەردە باق سىناۋدا. اكروباتيكا: شەرزود حاشيرباەۆ, اسىلحان اسان, ايانا جولداس. ولار الداعى كۇندەرى توپتىق جانە جەكەلەي سىنداردا ونەر كورسەتەدى.

    وليمپيادادا قازاقستاندىق ەكى مامان تورەلىك ەتۋدە - نادەجدا پارەتسكايا (مانەرلەپ سىرعاناۋ) جانە يۋلييا دەگتيارەۆا (فريستايل-موگۋل). بۇل وتاندىق سپورت ماماندارىنىڭ حالىقارالىق دەڭگەيدەگى جوعارى بەدەلىن كورسەتەدى.

     شورت-ترەك جانە كونьكيمەن جۇگىرۋ. شورت-ترەك: تۋ ۇستاۋشىمىز دەنيس نيكيشا مەن ابزال اجىعاليەۆ 500 مەترلىك قاشىقتىقتا باستى فاۆوريتتەردىڭ قاتارىندا. سونداي-اق يانا حان مەن ولьگا تيحونوۆا ايەلدەر اراسىندا ونەر كورسەتىپ جاتىر. قازىرگى تاڭدا كوماندالىق ەستافەتا مەن جەكەلەي سىنداردىڭ شيرەك فينالدىق كەزەڭدەرى وتۋدە.

    كونьكيمەن جۇگىرۋ: ەۆگەنيي كوشكين, نادەجدا موروزوۆا, ەليزاۆەتا گولۋبەۆا. ولار ورتا جانە الىس قاشىقتىقتاردا ۇزدىك وندىققا ىلىنۋ ۇشىن كۇرەسۋدە.

   بياتلون جانە شاڭعى جارىسى. بياتلون: ۆلاديسلاۆ كيرەەۆ, اسەت دۇيسەنوۆ, ايشا راكيشەۆا, ميلانا گەنەۆا. جەكەلەي سىندا كيرەەۆ پەن دۇيسەنوۆ ورتاڭعى قاتاردان كورىندى (50-70 ورىندار ماڭىندا).

     شاڭعى جارىسى: ۆيتاليي پۋحكالو, نايلь باشماكوۆ, امىرعالي مۇراتبەكوۆ, كسەنييا شالىگينا. ولار سكياتلون جانە سپرينت جارىستارىن اياقتاپ, ەندى مارافوندىق قاشىقتىقتارعا دايىندالۋدا.

     مانەرلەپ سىرعاناۋ. ميحايل شايدوروۆ: ەرلەر اراسىنداعى جەكەلەي سىندا ونەر كورسەتىپ, قىسقا باعدارلامادان كەيىن ۇزدىكتەر قاتارىنا ەندى. سوفьيا سامودەلكينا: ايەلدەر اراسىنداعى جارىستاردا قازاقستان نامىسىن قورعايدى.

   قازاقستان ۇلتتىق قۇراماسى بۇل وليمپياداعا ۇلكەن دايىندىقپەن كەلدى. قازىرگى ۋاقىتتا بىزدىڭ سپورتشىلار كەلەسى باعىتتاردا بەلسەندىلىك تانىتۋدا: شورت-ترەك جانە كونьكيمەن جۇگىرۋ بويىنشا, داستۇرلى تۇردە قازاقستاننىڭ باستى ۇمىتى وسى سپورت تۇرلەرىندە. بىزدىڭ كونьكيشىلەر العاشقى اينالىمداردا ۇزدىك وندىقتىڭ قاتارىنان كورىنىپ, فينالدىق كەزەڭدەرگە جولداما الدى.

شاڭعى جارىسى جانە بياتلون بويىنشا, قازاقستاندىق شاڭعىشىلار مەن بياتلونشىلار يتالييانىڭ كۇردەلى تاۋلى تراسسالارىندا جوعارى توزىمدىلىك تانىتۋدا. اسىرەسە, ەستافەتالىق جارىستاردا كوماندالىق رۋح جوعارى. فريستايل-موگۋل جانە اكروباتيكادا  - قازاقستان الەمدىك دەڭگەيدەگى فاۆوريتتەردىڭ بىرى رەتىندە تانىمال. بىزدىڭ اتلەتتەر تەحنيكالىق كۇردەلى سەكىرىستەر جاساپ, جوعارى ۇپايلار جيناۋدا.

   جوعارى ناتيجەلەر جايلى ايتار بولساق, كونьكيمەن جۇگىرۋ (ايەلدەر, 3000 مەتر): بۇل قاشىقتىقتا قازاقستان نامىسىن قورعاعان نادەجدا موروزوۆا مەن ەليزاۆەتا گولۋبەۆا وتە جوعارى دەڭگەيدە ونەر كورسەتتى. نادەجدا موروزوۆا 4 مينۋت 01.20 سەكۋند ۋاقىتپەن مارەگە كەلىپ, جارىستىڭ العاشقى كەزەڭىندە كوشباسشىلار قاتارىندا بولدى, بىراق مەدالьعا بىرنەشە سەكۋند جەتپەي قالدى. ول ۇزدىك وندىقتىڭ (Top 10) ىشىنە ەنىپ, قازاقستان قورجىنىنا العاشقى ماڭىزدى ۇپايلاردى سالدى.

   مانەرلەپ سىرعاناۋدان قازاقستان قۇراماسىنىڭ ميلان-2026 وليمپياداسىنداعى كورسەتكىشتەرى وتە جوعارى دەڭگەيدە. مانەرلەپ سىرعاناۋ (ەرلەر): ميحايل شايدوروۆ قىسقا باعدارلامادان كەيىن 92.94 ۇپايمەن 4-ورىنعا تۇراقتاپ, مەدالь الۋعا باستى ۇمىتكەرلەردىڭ بىرىنە اينالدى. ول تەحنيكالىق تۇرعىدان وتە كۇردەلى باعدارلاما ورىنداپ, الەمدىك دەڭگەيدەگى ۇزدىك تورتتىكتىڭ قاتارىنان كورىندى. ميحايل قازىرگى ۋاقىتتا الەمدىك مانەرلەپ سىرعاناۋدىڭ جاڭا جۇلدىزىنا اينالىپ ۇلگەردى. قىسقا باعدارلاما مەن ەركىن باعدارلامانىڭ قورىتىندىسى بويىنشا ۇزدىك التىلىققا (Top 6) ەندى. ول وزىنىڭ باعدارلاماسىندا ەڭ كۇردەلى ەلەمەنت - تورتتىك لۋتتستى (4Lz) مىنسىز ورىنداپ, تەحنيكالىق ۇپاي بويىنشا الەمدىك دەڭگەيدەگى كوشباسشىلارمەن (يلьيا مالينين, يۋما كاگيياما) تەڭ دارەجەدە باسەكەلەستى. بۇل - دەنيس تەننەن كەيىنگى ەرلەر اراسىنداعى قازاقستاننىڭ ەڭ ۇزدىك وليمپيادالىق ناتيجەسى.

    ەگەر ول ەرتەڭ تورتتىك سەكىرىستەرىن مىنسىز ورىنداسا, تاريحي التىن نەمەسە كۇمىس جۇلدە الۋى ابدەن مۇمكىن. 14 اقپان كۇنى وتەتىن ەركىن باعدارلاما ونىڭ وليمپياداداعى تاعدىرىن شەشەدى.

   سوفьيا سامودەلكينا (ايەلدەر, جەكەلەي سىن) ۇشىن بۇل قازاقستان اتىنان قاتىسقان العاشقى وليمپيادا. قىسقا باعدارلامادان كەيىن سوفьيا ۇزدىك 15 سپورتشىنىڭ قاتارىنا كىرىپ, فينالدىق (ەركىن) باعدارلاماعا جولداما الدى. ول وزىنىڭ تۇراقتىلىعىمەن جانە كوركەمدىك شەبەرلىگىمەن ەرەكشەلەندى. تورەشىلەر ونىڭ سەكىرىس ەلەمەنتتەرىنىڭ تازالىعىن جوعارى باعالادى. قورىتىندى ەسەپتە ول العاشقى وندىققا (Top 10) جاقىن ناتيجە كورسەتتى.

  بيىلعى وليمپيادادا بىزدىڭ مانەرلەپ سىرعاناۋشىلار تەك «قاتىسۋشى» ەمەس, مەدالьعا تالاسا الاتىن ناقتى «پرەتەندەنت» رەتىندە تانىلدى. ميحايل شايدوروۆتىڭ جەتىستىگى - ونىڭ باپكەرى الەكسەي ۋرمانوۆتىڭ جانە قازاقستاندىق مامانداردىڭ بىرلەسكەن ەڭبەگى. ولار شايدوروۆتىڭ سەكىرىس تەحنيكاسىن الەمدەگى ەڭ قيىن دەڭگەيگە كوتەردى. مانەرلەپ سىرعاناۋ جارىستارى اياقتالعاننان كەيىن, داستۇرلى تۇردە وتەتىن كورسەتىلىمدىك قويىلىمدارعا ميحايل شايدوروۆ شاقىرتۋ الدى. بۇل -  ونىڭ ونەرىنىڭ الەمدىك دەڭگەيدە مويىندالعانىنىڭ بەلگىسى.

شورت-ترەكتەن  الداعى كۇندەرى دەنيس نيكيشا مەن ابزال اجىعاليەۆ 500 مەترلىك قاشىقتىقتا فينالدارعا شىعادى.

  فريستايل-موگۋل: اناستاسييا گورودكو مەن پاۆەل كولماكوۆ وز جارىستارىندا فينالدىق كەزەڭدەرگە وتىپ, ۇزدىك ناتيجەلەر كورسەتۋدە. اسىرەسە, اناستاسييا گورودكونىڭ پارلى موگۋلدا (Dual Moguls) مەدالь الۋ مۇمكىندىگى وتە جوعارى دەپ باعالانۋدا.

   ميلان مەن كورتينا-د’امپەتستسوداعى 2026 جىلعى وليمپيادا ويىندارىندا فريستايل-موگۋل جارىستارى ەڭ تارتىستى ارى اسەرلى كەزەڭدەردىڭ بىرىنە اينالدى. بۇل سپورت تۇرى قازاقستان ۇشىن داستۇرلى تۇردە «مەدالь سالاتىن» باعىت بولعاندىقتان, وعان ەرەكشە كوڭىل بولىنۋدە.

    جارىستار ليۆينьو (Livigno) تاۋ شاڭعىسى كۋرورتىندا, ارنايى دايىندالعان «Mottolino» تراسساسىندا وتىپ جاتىر.

    موگۋلدان ەرلەر مەن ايەلدەر اراسىنداعى جارىستار بىردەي ەرەجەلەر بويىنشا, بىراق بولەك ەسەپتە جۇرەدى. بيىلعى وليمپيادادا ەكى باعىت بار: جەكە موگۋل: سپورتشى توبەشىكتى تراسسامەن تومەن تۇسىپ, ەكى سەكىرىس (ترامپلين) جاسايدى. تورەشىلەر بۇرىلۋ تەحنيكاسىن (50%), سەكىرىس كۇردەلىلىگى مەن ساپاسىن (25%) جانە جىلدامدىقتى (25%) باعالايدى.

   پارلى موگۋل: بۇل - 2026 جىلعى وليمپيادانىڭ جاڭالىعى. ەكى سپورتشى قاتار جارىسىپ, بىرىن-بىرى باسىپ وزۋعا تىرىسادى. بۇل فورمات جارىسقا ەرەكشە ديناميكا مەن ەموتسيونالدىق رەڭك بەرەدى.

    ليۆينьو تراسساسىنىڭ ەڭىستىگى ورتاشا ەسەپپەن 28°. توبەشىكتەر - قاتتى, مۇزداتىلعان قاردان جاسالعان, بۇل سپورتشىلاردان ماكسيمالدى كونتسەنتراتسييانى تالاپ ەتەدى. قازىرگى زامانعى موگۋلدا سپورتشىلار اۋادا اينالۋ, سالьتو جانە كۇردەلى ۇستاۋ ەلەمەنتتەرىن ورىندايدى.

    بىزگە ميلان-كورتينا 2026 قىسقى وليمپياداسىندا ەرلەر اراسىنداعى موگۋلدى باستان-اياق تاماشالاۋ مۇمكىندىگى بۇيىرعاندىقتان, تولىعىراق بايانداپ وتسەم.  جارىس 12 اقپاندا اياقتالىپ, وتە تارتىستى وتتى. بۇل سىندا الەمدى تاڭعالدىرعان سەنساتسييالىق ناتيجە تىركەلدى. التىن مەن كۇمىس جۇلدەنىڭ تاعدىرىن نەبارى بىر ۇپايدىڭ وننان بىر بولىگى ەمەس, تورەشىلەردىڭ قوسىمشا كورسەتكىشى شەشتى: التىن يەلەنگەن كۋپەر ۆۋدس (اۆسترالييا) 83.71 ۇپاي, كۇمىس يەلەنگەن ميكاەلь كينگسبەري (كانادا) - 83.71 ۇپاي, قولا يەلەنگەن يكۋما حوريشيما (جاپونييا) - 83.44 ۇپاي جينادى.

    كۋپەر ۆۋدس پەن موگۋل اڭىزى ميكاەلь كينگسبەري بىردەي ۇپاي جيناۋىن درامالىق سات دەپ باعالاۋعا بولادى. ەرەجە بويىنشا ۇپاي تەڭ بولعان جاعدايدا بۇرىلۋ تەحنيكاسىنا باسىمدىق بەرىلەدى. ۆۋدستىڭ بۇرىلۋ ۇپايى جوعارى بولعاندىقتان, ول وليمپيادا چەمپيونى اتاندى.

  قازاقستان نامىسىن بۇل سىندا تاجىريبەلى سپورتشىمىز پاۆەل كولماكوۆ قورعادى. پاۆەل العاشقى ىرىكتەۋ كەزەڭىندە 76.24 ۇپايمەن 9-ورىن يەلەنىپ, فينالدىق كەزەڭگە تىكەلەي جولداما الدى. فينالدىق كەزەڭدە باسەكەلەستىك وتە جوعارى بولدى. كولماكوۆ وز شەبەرلىگىن كورسەتكەنىمەن, العاشقى سەگىزدىككە (سۋپەرفينالعا) وتەتىن ۇپاي جيناۋ قيىنعا سوقتى. ول جارىستى ۇزدىك وندىقتىڭ ماڭىندا اياقتادى. قازاقستاننىڭ تاعى بىر سپورتشىسى دميتريي رەيحەرد سپورتتىق مانسابىن اياقتاعاننان كەيىن, پاۆەل كولماكوۆ بىزدىڭ موگۋل مەكتەبىنىڭ باستى ۇمىتى بولىپ قالا بەرمەك. ميلانداعى وليمپيادادا پارلى موگۋلدىڭ قوسىلۋى بىزدىڭ سپورتشىلارعا قوسىمشا مۇمكىندىك بەردى, ويتكەنى قازاقستاندىق مەكتەپ «بەتپە-بەت» جەكپە-جەكتە پسيحولوگييالىق تۇرعىدان وتە توزىمدى كەلەدى. ەرتەڭگى پارلى موگۋل شەشۋشى كەزەڭىنەن سەنساتسييا كۇتەمىز. بۇل - قازاقستاننىڭ العاشقى رەسمي مەدالىن الۋعا ەڭ ۇلكەن مۇمكىندىگى. مۇندا ەكى سپورتشى قاتار جارىسادى, بۇل كورەرمەن ۇشىن وتە تۇسىنىكتى ارى قىزىقتى: كىم بىرىنشى كەلدى جانە كىم تەحنيكانى تازا ورىندادى, سول كەلەسى كەزەڭگە وتەدى. پارلى موگۋلدا بىزدىڭ ەڭ مىقتى سپورتشىلارىمىز باق سىنايدى. پاۆەل كولماكوۆ جەكە سىنداعى ناتيجەسىنەن كەيىن پارلى جارىستا «رەۆانش» الۋعا دايىن. پارلى موگۋل - ناعىز جۇيكە مەن جىلدامدىقتىڭ باسەكەسى, پاۆەل مۇنداي جەكپە-جەكتەردە وتە تاجىريبەلى. ال, وليمپيادا جۇلدەگەرى رەتىندە يۋلييا وز شەبەرلىگىن تاعى بىر مارتە دالەلدەۋگە تىرىسادى. ونىڭ تاجىريبەسى مەن تەحنيكاسى كەز كەلگەن قارسىلاستى, تىپتى اۆسترالييالىق دجاكارا ەنتونيدى دە جەڭۋگە جەتەدى. اناستاسييا گورودكو - بىزدىڭ جاس تالانتىمىز. ول پارلى موگۋلدا وتە جىلدام, سوندىقتان ودان سەنساتسييا كۇتۋگە بولادى.

   ويىندار كەزىندە بىز كەزدەستىرگەن ايتۋلى تۇلعالاردىڭ بىرى - گوتا ساكاموتو (Gota Sakamoto) - جاپوندىق فريستايلدىڭ (موگۋل) اڭىزعا اينالعان تۇلعاسى, سپورتشى جانە مەتسەنات.(فوتودا). ول جاپونيياداعى شاڭعى مادەنيەتىنىڭ قالىپتاسۋىنا ۇلكەن ىقپال ەتكەن ادامداردىڭ بىرى. گوتا ساكاموتو 1990-جىلدارى حالىقارالىق دەڭگەيدە تانىلدى. ونىڭ باستى جەتىستىكتەرى:1996 جىلى ول موگۋلدان الەم كۋبوگىنىڭ كەزەڭىن جەڭىپ العان تۇڭعىش جاپوندىق سپورتشى بولدى. بۇل جەڭىس جاپونييادا فريستايلدىڭ تانىمالدىلىعىن ارتتىرۋعا ۇلكەن سەرپىن بەردى.1998 جىلى وز وتانىندا, ناگانو قالاسىندا وتكەن قىسقى وليمپيادا ويىندارىنا قاتىستى. اۋىر جاراقاتتاردان كەيىن كاسىبي سپورتتى توقتاتسا دا, ول شاڭعى الەمىنەن كەتپەدى. كەرىسىنشە, وزىن جاڭا قىرىنان كورسەتتى: ول كلاسسيكالىق سپورتتىق ەرەجەلەرمەن شەكتەلمەي, تاۋدىڭ ەركىن بەتكەيلەرىندە سىرعاناۋدى (فريرايد) جانە شاڭعى تەبۋدىڭ زاماناۋي ستيلьدەرىن ناسيحاتتاۋعا كوشتى.

  ساكاموتو جاس شاڭعىشىلار ۇشىن تالىمگەر (مەنتور) بولدى. ول تەك تەحنيكانى عانا ەمەس, سىرعاناۋدىڭ ىشكى فيلوسوفيياسىن, ەركىندىكتى سەزىنۋدى ۇيرەتتى. ول شاڭعى كۋرورتتارىنىڭ مادەنيەتىن جاقسارتۋعا, تابيعات پەن سپورتتىڭ ۇيلەسىمىن تابۋعا كوپ كۇش جۇمسادى. جاپونييادا ونى جيى «ەلدىڭ ۇزدىك شاڭعىشىسى» دەپ اتايدى, بىراق بۇل تەك ونىڭ جىلدامدىعىنا ەمەس, ونىڭ شاڭعى سپورتىنا دەگەن كوزقاراسىنا قاتىستى. ول ۇشىن شاڭعى - بۇل تەك جارىس ەمەس, بۇل ومىر سالتى جانە وزىڭدى تانۋدىڭ جولى.

     ميلان - كورتينا 2026 وليمپياداسىنىڭ التىن جۇلدەگەرى كۋپەر ۆۋدس (Cooper Woods) تۋرالى اقپاراتپەن بولىسەيىن. ونىڭ جەڭىسى اۆسترالييا ۇشىن دە, الەمدىك موگۋل ۇشىن دە تاريحي وقيعا بولدى.

   كۋپەر ۆۋدس - اۆسترالييانىڭ جاڭا وڭتۇستىك ۋەلьس شتاتىنداعى سنەجنىە گورى  ايماعىندا وسكەن سپورتشى. جاسى – 25 تە. كۋپەر وزىنىڭ اگرەسسيۆتى تەبۋ مانەرىمەن جانە ترامپليننەن سەكىرگەندەگى ەرەكشە «امپليتۋداسىمەن» (بيىكتىگىمەن) تانىمال. ول الەمدىك موگۋلدىڭ «كورولى» ميكاەلь كينگسبەريدى تاقتان تايدىرعان ساناۋلى سپورتشىلاردىڭ بىرى. ول 2022 جىلعى بەيجىڭ وليمپياداسىندا ول 6-ورىن الىپ, ۇزدىكتەر قاتارىنا ەنگەن بولاتىن. تورت جىل بويى تەحنيكاسىن جەتىلدىرىپ, يتالييادا وزىنىڭ ەڭ ۇزدىك ناتيجەسىن كورسەتتى. اۆسترالييالىق موگۋل مەكتەبى سوڭعى جىلدارى الەمدەگى ەڭ مىقتى مەكتەپتەردىڭ بىرىنە اينالدى.

   كۋپەر ۆۋدستىڭ جەتىستىگىنىڭ ارتىندا كاسىبي ماماندار تۇر: پيتەر ماكنيەلь اۆسترالييا قۇراماسىنىڭ باس باپكەرلەرىنىڭ بىرى. ول سپورتشىلاردىڭ فيزيكالىق دايىندىعى مەن پسيحولوگييالىق تۇراقتىلىعىنا ۇلكەن مان بەرەدى. ماكنيەلь كۋپەردى جاس كەزىنەن باستاپ باپتاپ, ونىڭ تاكتيكالىق قاتەلىكتەرىن تۇزەۋگە كومەكتەستى.

 وليمپيادا چەمپيونىنىڭ ايگىلى تەرەنەرلەرى پيتەر ماكنيەلь مەن كەيت بلەمي بىزدىڭ ورتامىزدا. (فوتودا). ايگىلى تەرەنەرلەر بىزدىڭ قىزىمىز ىنجۋمەن جاقسى تانىس, دوستار. ولار قازاقستانعا جيى كەلەدى. الماتىداعى شىمبۇلاقتا ۇنەمى كەزدەسىپ تۇرادى. وسى جولى بىز ولارمەن ليۆينьودا كەزدەسىپ, كۋپەر ۆۋدستىڭ جەڭىسىنەن كەيىنگى قۋانىشتارىمەن بولىستىك.

 كەيت بلەمي - اۆسترالييانىڭ قىسقى سپورت تۇرلەرى بويىنشا تەحنيكالىق باپكەرى. كەيت اسىرەسە ترامپليندەگى سەكىرىستەردى جەتىلدىرۋگە ماماندانعان. كۋپەردىڭ فينالداعى سەكىرىسىنىڭ مىنسىز بولۋى - وسى ماماننىڭ ەڭبەگى.

   گەفف لايۆەي - اۆسترالييالىق وليمپيادالىق دەلەگاتسييانىڭ باسشىسى جانە قىسقى سپورتتى دامىتۋشى. ول كوماندانىڭ اينالاسىندا ەڭ ۇزدىك اناليتيكتەر مەن فيزيوتەراپەۆتتەردىڭ جينالۋىن قاداعالادى.

  كۋپەر ۆۋدس پەن ونىڭ باپكەرلەرى «بۇرىلۋ تەحنيكاسىنا» (turns) باسا نازار اۋدارعان. موگۋل ەرەجەسى بويىنشا, ەگەر ەكى سپورتشىنىڭ ۇپايى تەڭ بولسا (ۆۋدس پەن كينگسبەريدە بولعانداي), جەڭىس بۇرىلۋ تەحنيكاسى بويىنشا جوعارى ۇپاي العان ادامعا بەرىلەدى.

   باپكەرلەردىڭ تاكتيكاسى بويىنشا كۋپەر جىلدامدىقتان گورى, توبەشىكتەر اراسىنداعى اياق جۇمىسىنىڭ تازالىعىنا كوبىرەك كۇش سالدى. ناتيجەسىندە, ول «موگۋل اڭىزىن» تەحنيكالىق كورسەتكىش بويىنشا باسىپ وزدى.

  كۋپەر ۆۋدس - اۆسترالييانىڭ موگۋلدان وليمپيادا التىنىن العان ۇشىنشى سپورتشىسى (اليسا كەمپلين مەن دجاكارا ەنتونيدەن كەيىن). اۆسترالييالىق موگۋل مەكتەبىنىڭ باپكەرلەر قۇرامى — قازىرگى تاڭدا الەمدەگى ەڭ كاسىبي جانە «تەحنولوگييالىق» كوماندالاردىڭ بىرى.

  پيتەر — اۆسترالييانىڭ قىسقى سپورت تاريحىنداعى اڭىز ادامداردىڭ بىرى. ونىڭ جۇمىس ىستەۋ ستيلىنىڭ باستى ەرەكشەلىگى — پسيحولوگييالىق تۇراقتىلىق. ول بۇعان دەيىن دە وليمپيادا چەمپيوندارىن دايىنداعان. ونىڭ باستى قاعيداسى: «سپورتشى تراسسادا ەمەس, جاتتىعۋ زالىندا چەمپيون اتانادى». ول كۋپەردى تەك شاڭعى تەبۋگە ەمەس, «سۋىققاندىلىققا» ۇيرەتتى. كينگسبەري سيياقتى مىقتىلارمەن تەڭ تۇسۋ ۇشىن ەڭ الدىمەن ەموتسييانى جەڭۋ كەرەك ەكەنىن تۇسىندىردى.

  كەيت  كوماندانىڭ «ميى». ول زاماناۋي تەحنولوگييالاردى قولدانۋ ارقىلى سپورتشىنىڭ اربىر قيمىلىن تالدايدى. كەيت جاتتىعۋ كەزىندە ارنايى داتچيكتەر مەن جوعارى جىلدامدىقتى كامەرالاردى پايدالانادى. كۋپەردىڭ ترامپليننەن سەكىرۋ كەزىندەگى دەنەنى ۇستاۋ بۇرىشى مەن قونۋ ساتىن ميلليمەترگە دەيىن ەسەپتەپ شىققان. ەرلەر موگۋلىندا ايەل باپكەردىڭ بولۋى كومانداعا ەرەكشە تەپە-تەڭدىك بەرەدى. ول سپورتشىنىڭ فيزيكالىق كۇيىنەن بولەك, ونىڭ ىشكى سەزىمىن دە دال تاني بىلەدى.

 ستيۆ دەزيكوۆيچ (Steve Desovich) - اكروباتيكا كورولى. اۆسترالييا قۇراماسى كوبىنە اقش-تان كەلگەن وسى مامانمەن تىعىز جۇمىس ىستەيدى. ول كۋپەردىڭ سەكىرىس باعدارلاماسىن كۇردەلەندىردى. ۆۋدس ورىندايتىن «Cork 1080» (ۇش اينالىم) سيياقتى ەلەمەنتتەردىڭ تازالىعى - ستيۆتىڭ قاتال باقىلاۋىنىڭ ناتيجەسى. ولار قار جاۋعانعا دەيىن دە ايلاپ باتۋتتا جانە سۋعا سەكىرۋ ترامپليندەرىندە اكروباتيكانى اۆتوماتتى دەڭگەيگە دەيىن جەتكىزەدى.

اۆسترالييادا تابيعي قار وتە از بولعاندىقتان, بۇل باپكەرلەر «جاساندى ورتادا دايىندالۋ» جۇيەسىن ويلاپ تاپقان. ولار جازدا بريسبەن قالاسىنداعى ارنايى سۋعا سەكىرۋ بازاسىندا جاتتىعادى. بۇل باپكەرلەر كۋپەردى قارعا شىعارماس بۇرىن, ونىڭ بارلىق قاتەلىگىن سۋعا سەكىرۋ ارقىلى تۇزەپ ۇلگەرەدى. ولار ينتۋيتسيياعا ەمەس, ماتەماتيكالىق ەسەپكە سۇيەنەدى. تراسسانىڭ قار تىعىزدىعى مەن اۋا تەمپەراتۋراسىنا بايلانىستى شاڭعى مايىن تاڭداۋدىڭ وزى ۇلكەن عىلىم. بۇل باپكەرلەر توبى كۋپەرگە ميكاەلь كينگسبەريدىڭ ۆيدەولارىن مىڭداعان رەت كورسەتىپ, «اڭىزدىڭ» السىز تۇستارىن (بۇرىلىس كەزىندەگى كىشكەنە قاتەلىكتەرىن) تابۋدى ۇيرەتكەن. وليمپيادا فينالىندا كۋپەر كينگسبەريدى دال وسى «بۇرىلىس» بويىنشا باسىپ وزدى.

    ال, ميكاەلь كينگسبەري - فريستايل-موگۋل تاريحىنداعى ەڭ ۇلى سپورتشى, ناعىز «موگۋل كورولى». ونىڭ مانسابى سپورت الەمىندە سيرەك كەزدەسەتىن تۇراقتىلىق پەن شەبەرلىكتىڭ ۇلگىسى. ول تورت وليمپيادا قاتارىنان مەدالь العان ساناۋلى سپورتشىنىڭ بىرى (2014 جىلى - كۇمىس, 2018 جىلى - التىن, 2022 جىلى - كۇمىس, 2026 جىلى - كۇمىس).  ول الەم كۋبوگى كەزەڭدەرىندە 80-نەن استام جەڭىسكە جەتكەن رەكوردشى. ونىڭ رەكوردىن جاقىن ارادا ەشكىم جاڭارتا المايتىنى انىق. كوپ دۇركىن الەم چەمپيونى (جەكە جانە پارلى موگۋلدان). كينگسبەريدىڭ باستى قارۋى - ونىڭ «ماشينا» سيياقتى جۇمىس ىستەيتىن اياقتارى. ول توبەشىكتەردەن (موگۋلداردان) وتكەندە دەنەسىن قوزعالتپاي, تەك تىزەسىمەن جۇمىس ىستەيتىن ەرەكشە تەحنيكانى مەڭگەرگەن. ول 15 جىلدان استام ۋاقىت بويى الەمدىك رەيتينگتىڭ بىرىنشى ساتىسىنان تۇسپەي كەلەدى. بۇل موگۋل سيياقتى جاراقات الۋ قاۋپى جوعارى سپورت تۇرىندە كەرەمەت كورسەتكىش. ميلان-كورتينا ويىندارىندا ول تاعى دا فاۆوريت بولدى. فينالدا كۋپەر ۆۋدسپەن بىردەي ۇپاي (83.71) جينادى. تەك «بۇرىلۋ تەحنيكاسى» بويىنشا ۇپايى سال تومەن بولعاندىقتان, ول كۇمىس جۇلدەنى قاناعات تۇتتى. ميكاەلь بالا كەزىندە بولمەسىنە وليمپيادا شىڭىن بەينەلەيتىن سۋرەت ىلىپ, وعان «مەن چەمپيون بولامىن» دەپ جازىپ قويعان ەكەن. ول وز ارمانىنا تولىق جەتكەن سپورتشى.

    اۆسترالييالىق چەمپيون كۋپەر ۆۋدس, اڭىزعا اينالعان ميكاەلь كينگسبەري جانە ولاردىڭ باپكەرلەرى قازاقستاندا بىرنەشە رەت بولعان. بۇل كەزدەيسوقتىق ەمەس, ويتكەنى الماتى قالاسى - الەمدىك موگۋلدىڭ باستى ورتالىقتارىنىڭ بىرى.  «شىمبۇلاق» - ولاردىڭ سۇيىكتى تراسساسى. كۋپەر ۆۋدس تا, ميكاەلь كينگسبەري دە الماتىداعى «شىمبۇلاق» تاۋ شاڭعىسى كۋرورتىندا وتكەن الەم كۋبوگىنىڭ كەزەڭدەرىنە جىل سايىن قاتىسىپ تۇرادى.  

  كينگسبەري ميكاەلь وز سۇحباتتارىندا شىمبۇلاق تراسساسىن الەمدەگى ەڭ جاقسى تراسسالاردىڭ بىرى دەپ اتايدى. وعان اسىرەسە تاۋدىڭ قالاعا جاقىندىعى جانە جانكۇيەرلەردىڭ ىستىق ىقىلاسى ۇنايدى.

     كۋپەر ۆۋدس 2019, 2021 جانە 2024 جىلدارى الماتىدا وتكەن الەم كۋبوگىندا باق سىنادى. ول ۇشىن شىمبۋلاقتىڭ تىك تراسساسى وليمپيادا الدىنداعى ۇلكەن دايىندىق مەكتەبى بولدى. اۆسترالييالىق جانە كانادالىق باپكەرلەر قازاقستاننىڭ موگۋل ينفراقۇرىلىمىن جوعارى باعالايدى. اۆسترالييالىق باپكەرلەر, پيتەر ماكنيەلь قازاقستاندىق ماماندارمەن جاقسى تانىس. موگۋل - بۇل شاعىن الەم, سوندىقتان جارىس كەزىندە باپكەرلەر بىر-بىرىمەن تاجىريبە بولىسىپ, تراسسانىڭ ەرەكشەلىكتەرىن تالقىلايدى.

   كەيبىر جىلدارى شەتەلدىك كوماندالار ماۋسىم الدىنداعى دايىندىقتى الماتىدا وتكىزۋ مۇمكىندىگىن قاراستىرعان. ويتكەنى الماتىنىڭ بيىك تاۋلى كليماتى يتاليياداعى (ليۆينьو) جاعدايعا وتە ۇقساس.

   كۋپەر ۆۋدس پەن ميكاەلь كينگسبەري بىزدىڭ سپورتشىلار پاۆەل كولماكوۆ جانە يۋلييا گالىشەۆامەن جاقسى دوس. ولار حالىقارالىق جارىستاردا ۇنەمى بىرگە جۇرەدى. كينگسبەري بىرنەشە رەت قازاقستاندىق موگۋل مەكتەبىنىڭ وتە مىقتى ەكەنىن جانە كولماكوۆ سيياقتى جىگىتتەردەن سەسكەنەتىنىن ايتقان.

      ىنجۋدىڭ جاقسى دوستارىنىڭ بىرى - گەرمانييالىق باپكەر انيا بوجبەرگ (Anja Bojberg) — فريستايل-موگۋل الەمىندەگى ەڭ تانىمال جانە قۇرمەتتى مامانداردىڭ بىرى. (فوتودا). ونىڭ ەسىمى اسىرەسە گەرمانييا مەن دانييانىڭ موگۋل مەكتەبىن حالىقارالىق دەڭگەيگە كوتەرۋىمەن تىعىز بايلانىستى.

   انيا بوجبەرگ - تەگى دانييالىق, بىراق كوپ جىلدار بويى گەرمانييانىڭ ۇلتتىق قۇراماسىنىڭ باس باپكەرى بولىپ قىزمەت اتقارۋدا. ول وزى دە كاسىبي سپورتشى بولعان, بۇرىن دانييا نامىسىن حالىقارالىق جارىستاردا قورعاعان. ول بىرنەشە وليمپيادا ويىندارىندا (سوچي, پحەنچحان, بەيجىڭ, ەندى ميلان-2026) باپكەر رەتىندە قاتىسىپ كەلەدى. انيا تەك تەحنيكالىق باپكەر عانا ەمەس, ول سپورتشىلاردىڭ تراسساداعى تاكتيكاسىن قۇرۋ مەن ولاردىڭ پسيحولوگييالىق دايىندىعىن قاداعالاۋدا شەبەر مامان سانالادى. گەرمانييا موگۋل كومانداسى اۆسترالييا نەمەسە كانادا سيياقتى كوپ ادامنان تۇرماسا دا, انيانىڭ ارقاسىندا ولار وتە ساپالى ارى تەحنيكالىق تۇرعىدان مىقتى ونەر كورسەتەدى. ونىڭ قول استىندا گەرمانييانىڭ جەتەكشى موگۋلشىلارى (مىسالى, دجاكارا ەنتونيگە دەيىن ۇزدىكتەر قاتارىندا بولعان نەمەسە قازىرگى جاس تالانتتار) جاتتىعادى. ول سپورتشىلاردان ەڭ الدىمەن «تازا بۇرىلىستاردى» تالاپ ەتەدى. ونىڭ شاكىرتتەرى توبەشىكتەر اراسىندا وتە جيناقى جانە تىك قوزعالۋىمەن ەرەكشەلەنەدى. ول گەرمانييا قۇراماسىمەن بىرگە الماتىعا الەم كۋبوگى كەزەڭدەرىنە ۇنەمى كەلەدى. ول شىمبۇلاقتىڭ تراسساسىن جوعارى باعالايتىن باپكەرلەردىڭ بىرى. ول قازاقستاندىق باپكەرلەرمەن (مىسالى, ەلەنا كرۋگلىحينا) جاقسى كاسىبي قارىم-قاتىناستا. حالىقارالىق جارىستار كەزىندە ولار جيى تاجىريبە الماسىپ, موگۋل سپورتىن دامىتۋ ماسەلەلەرىن تالقىلايدى. موگۋل الەمىندە ايەل باس باپكەرلەر وتە از. انيا بوجبەرگ - وسى ەرلەر باسىم سپورتتا وز ورنىن تاۋىپ, الەمدىك دەڭگەيدەگى كوماندانى باسقارىپ وتىرعان ساناۋلى ايەلدەردىڭ بىرى. ونىڭ كاسىبيلىگى مەن توزىمدىلىگى كوپتەگەن جاس سپورتشى قىزدارعا ۇلگى بولىپ تابىلادى.  انيا بوجبەرگ جارىستار كەزىندە تراسسانىڭ شەتىندە تۇرىپ, سپورتشىلارىنا وتە قاتتى ەموتسييامەن قولداۋ كورسەتەتىنىمەن بەلگىلى. ول اربىر سەكىرىس پەن اربىر بۇرىلىستى سپورتشىمەن بىرگە سەزىنەتىندەي كورىنەدى. ەرتەڭگى پارلى موگۋل جارىسىندا ونىڭ نەمىس سپورتشىلارى بىزدىڭ پاۆەل كولماكوۆ نەمەسە يۋلييا گالىشەۆامەن كەزدەسىپ قالۋى مۇمكىن. بۇل باپكەرلەردىڭ دە تاكتيكالىق جەكپە-جەگى بولماق.

       اتالمىش سپورتشىلاردىڭ قازاقستانعا كەلۋى ەلىمىزدەگى قىسقى سپورتتىڭ بەدەلىن كورسەتەدى. ولاردىڭ شىمبۇلاقتاعى ساتتى سەكىرىستەرى مەن باپكەرلەردىڭ جوعارى باعاسى - بىزدىڭ ەلدىڭ الەمدىك سپورت كارتاسىنداعى ورنىنىڭ دالەلى.

     رەسمي مەدالьدار كەستەسىنە سايكەس, قازاقستان ازىرگە التىن نەمەسە كۇمىس جۇلدەلەرگە يە بولعان جوق, بىراق ميحايل شايدوروۆ (مانەرلەپ سىرعاناۋ), دەنيس نيكيشا (شورت-ترەك) جانە موگۋلشىلاردىڭ الداعى جارىستارى بىزگە العاشقى مەدالьداردى سىيلاۋى ابدەن مۇمكىن. جارىستار الى جالعاسۋدا. بۇگىن كەشكە جانە ەرتەڭ (14 اقپان) وتەتىن فينالدار قازاقستاننىڭ مەدالьدىق ەسەبىن رەسمي تۇردە اشۋى مۇمكىن.

   قازىرگى ساتتە رەسمي كەستەدە «0» تۇرعانى راس. الايدا, وليمپيادانىڭ بەل ورتاسىنا ەندى كەلدىك. 14 اقپان - قازاقستان ۇشىن «شەشۋشى كۇن» بولماق.

   وليمپياداعا قاتىسۋشى سپورتشىلارىمىز ولجالى بولسىن دەپ تىلەيىك. قازاقستان تەك بيىكتەردەن كورىنە بەرسىن!

جاڭىل اپەتوۆا,

ليۆينьو, كورتينا-د’امپەتستسو, يتالييا