Сауд Арабиясының Жидда қаласында өткен келіссөздер нәтижесінде Украина мен АҚШ атысты 30 күнге тоқтату туралы уақытша келісімге қол жеткізді, деп хабарлайды Shalqar.kz.

Алайда Киев бұл шарттың Ресей тарапынан да бір мезгілде орындалуы тиіс екенін ескертті. Өз кезегінде Вашингтон Мәскеуге бұл талаптың екіжақты сақталуы бейбітшілікке жетудің басты шарты екенін жеткізуге уәде берді.

Сонымен қатар, АҚШ Украинаға қауіпсіздік саласындағы көмекті қайта жандандырып, барлау мәліметтерімен алмасуды жалғастыратынын мәлімдеді.

“Владимир Путин бұл ұсынысты қабылдайды деп үміттенемін. Егер келіспесе, соғыс одан әрі өрши түспек. Әр апта сайын мыңдаған сарбаз қаза тауып, бейбіт тұрғындар зардап шегіп жатыр. Ақ үйдегі даулы пікірталастардан кейін біз ақыры дұрыс шешімге келдік”, – деді АҚШ президенті Дональд Трамп.