Мемлекет басшысы Қасым-Жомарт Тоқаев қазақ мәдениетінің көрнекті қайраткері Дариға Тілендиеваның дүниеден өтуіне байланысты отбасы мен жақындарына көңіл айтты, деп хабарлайды Shalqar.kz.

Дариға Тілендиева – әйгілі композитор, “Отырар сазы” ұлт аспаптар академиялық оркестрінің негізін қалаушы Нұрғиса Тілендиевтің жары. Ол ұлттық кино өнерінде өшпес із қалдырған талантты мәдениет қайраткері ретінде танылды.

Оның есімі “Қазақфильм” киностудиясының алтын қорына енген “Алты жасар Алпамыс”, “Құлагер”, “Ақ машина”, “Жамбылдың жастық шағы”, “Қоштасқым келмейді” сынды фильмдермен тығыз байланысты.

Бұл қазақ мәдениеті мен өнері үшін орны толмас қаза.