ساۋد ارابيياسىنىڭ جيددا قالاسىندا وتكەن كەلىسسوزدەر ناتيجەسىندە ۋكراينا مەن اقش اتىستى 30 كۇنگە توقتاتۋ تۋرالى ۋاقىتشا كەلىسىمگە قول جەتكىزدى, دەپ حابارلايدى Shalqar.kz.

الايدا كيەۆ بۇل شارتتىڭ رەسەي تاراپىنان دا بىر مەزگىلدە ورىندالۋى تيىس ەكەنىن ەسكەرتتى. وز كەزەگىندە ۆاشينگتون ماسكەۋگە بۇل تالاپتىڭ ەكىجاقتى ساقتالۋى بەيبىتشىلىككە جەتۋدىڭ باستى شارتى ەكەنىن جەتكىزۋگە ۋادە بەردى.

سونىمەن قاتار, اقش ۋكرايناعا قاۋىپسىزدىك سالاسىنداعى كومەكتى قايتا جانداندىرىپ, بارلاۋ مالىمەتتەرىمەن الماسۋدى جالعاستىراتىنىن مالىمدەدى.

“ۆلاديمير پۋتين بۇل ۇسىنىستى قابىلدايدى دەپ ۇمىتتەنەمىن. ەگەر كەلىسپەسە, سوعىس ودان ارى ورشي تۇسپەك. ار اپتا سايىن مىڭداعان سارباز قازا تاۋىپ, بەيبىت تۇرعىندار زارداپ شەگىپ جاتىر. اق ۇيدەگى داۋلى پىكىرتالاستاردان كەيىن بىز اقىرى دۇرىس شەشىمگە كەلدىك”, – دەدى اقش پرەزيدەنتى دونالьد ترامپ.