14 ناۋرىزدا بۋرابايدا ۇلتتىق قۇرىلتايدىڭ تورتىنشى وتىرىسى وتەدى. بۇل ماڭىزدى شاراعا قازاقستان پرەزيدەنتى قاسىم-جومارت توقاەۆ قاتىسىپ, وزەكتى ماسەلەلەردى كوتەرمەك. اقپاراتتى مەملەكەت باسشىسىنىڭ باسپاسوز حاتشىسى رۋسلان جەلدىباي راستادى, دەپ حابارلايدى Shalqar.kz.

وتىرىستا قوعامداعى ماڭىزدى ماسەلەلەر تالقىلانىپ, قۇرىلتاي مۇشەلەرى وز ۇسىنىستارىن ورتاعا سالادى. پرەزيدەنت جيىندا سوز سويلەپ, ەلىمىز ۇشىن ماڭىزدى باستامالارعا توقتالادى دەپ كۇتىلۋدە.

ۇلتتىق قۇرىلتاي بۇعان دەيىن قايدا وتتى?
– 2022 جىلى – ۇلىتاۋ;
– 2023 جىلى – تۇركىستان;
– 2024 جىلى – اتىراۋ.

ايتا كەتەيىك, بىلتىرعى جيىندا قاسىم-جومارت توقاەۆ ۇلتتىق قۇرىلتايدىڭ كەلەسى وتىرىسىن كوكشەتاۋدا وتكىزۋدى ۇسىنعان بولاتىن.

پرەزيدەنتتىڭ ايتۋىنشا, ۇلتتىق قۇرىلتايدىڭ تۇرلى وڭىرلەردە وتۋى ولاردىڭ دامۋىنا تىڭ سەرپىن بەرەدى. بۋراباي – ابىلاي حان وردا تىككەن قاسيەتتى مەكەن, قازاق تاريحىنداعى ماڭىزدى وقيعالار وتكەن ايماق. سوندىقتان مۇندا وتەتىن قۇرىلتايدىڭ ماڭىزى ەرەكشە بولماق.