14 naurızda Burabayda Wlttıq qwrıltaydıñ törtinşi otırısı ötedi. Bwl mañızdı şarağa Qazaqstan Prezidenti Qasım-Jomart Toqaev qatısıp, özekti mäselelerdi kötermek. Aqparattı memleket basşısınıñ baspasöz hatşısı Ruslan Jeldibay rastadı, dep habarlaydı Shalqar.kz.

Otırısta qoğamdağı mañızdı mäseleler talqılanıp, qwrıltay müşeleri öz wsınıstarın ortağa saladı. Prezident jiında söz söylep, elimiz üşin mañızdı bastamalarğa toqtaladı dep kütilude.

Wlttıq qwrıltay bwğan deyin qayda ötti?
– 2022 jılı – Wlıtau;
– 2023 jılı – Türkistan;
– 2024 jılı – Atırau.

Ayta keteyik, bıltırğı jiında Qasım-Jomart Toqaev Wlttıq qwrıltaydıñ kelesi otırısın Kökşetauda ötkizudi wsınğan bolatın.

Prezidenttiñ aytuınşa, Wlttıq qwrıltaydıñ türli öñirlerde ötui olardıñ damuına tıñ serpin beredi. Burabay – Abılay han orda tikken qasietti meken, qazaq tarihındağı mañızdı oqiğalar ötken aymaq. Sondıqtan mwnda ötetin qwrıltaydıñ mañızı erekşe bolmaq.