قازاقستاننىڭ باسەكەلەستىكتى قورعاۋ جانە دامىتۋ اگەنتتىگى ۇيالى بايلانىس وپەراتورلارىنىڭ باعا ساياساتىنا قاتىستى تەرگەۋ جۇرگىزىپ جاتىر. اگەنتتىك وكىلدەرىنىڭ ايتۋىنشا, سوڭعى جىلدارى ابونەنتتەر تاراپىنان تاريفتەردىڭ قىمباتتاۋىنا بايلانىستى شاعىمدار كوبەيگەن, دەپ حابارلايدى Shalqar.kz.

باعا نەگە كوتەرىلدى?
ەلىمىزدەگى Kcell, Tele2 جانە Beeline وپەراتورلارىنىڭ نارىقتاعى ۇلەسى شامامەن 30-40%-دى قۇرايدى. اگەنتتىك توراعاسىنىڭ ورىنباسارى بولات سامبەتوۆتىڭ مالىمدەۋىنشە, كەيىنگى ەكى جىلدا بۇل وپەراتورلار بايلانىس قىزمەتتەرىنىڭ باعاسىن بىر مەزەتتە كوتەرگەن. بۇل ولاردىڭ وزارا كەلىسىمگە كەلگەنىن كورسەتەتىن بەلگىلەردىڭ بىرى بولۋى مۇمكىن.

“بىز نارىقتى زەرتتەي كەلە, تاريفتەردىڭ جۇيەلى تۇردە كوتەرىلگەنىن انىقتادىق. بارلىق وپەراتورلار بىر ۋاقىتتا باعانى وسىرگەن. قازىرگى تاڭدا بۇل جاعدايدى ەگجەي-تەگجەيلى تالداپ جاتىرمىز”, – دەدى سامبەتوۆ.

مونوپولييا قاۋپى بار ما?
سونىمەن قاتار, اگەنتتىك ىرى وپەراتورلاردىڭ بىرىنە قاتىستى بولەك تەرگەۋ جۇرگىزۋدە. سەبەبى ول مونوپولييالىق جوعارى تاريفتەردى بەلگىلەۋى مۇمكىن دەگەن كۇدىك بار. ەگەر بۇل دالەلدەنسە, وپەراتورلارعا قاتاڭ شارالار قولدانىلۋى ىقتيمال.

ايتا كەتەيىك, 2023 جىلى Kcell, Tele2/Altel جانە Beeline وپەراتورلارى تاريف باعاسىن نەگىزسىز كوتەردى دەگەن كۇدىكپەن تەرگەپ-تەكسەرۋ باستالعان بولاتىن.