Qazaqstannıñ Bäsekelestikti qorğau jäne damıtu agenttigi wyalı baylanıs operatorlarınıñ bağa sayasatına qatıstı tergeu jürgizip jatır. Agenttik ökilderiniñ aytuınşa, soñğı jıldarı abonentter tarapınan tarifterdiñ qımbattauına baylanıstı şağımdar köbeygen, dep habarlaydı Shalqar.kz.

Bağa nege köterildi?
Elimizdegi Kcell, Tele2 jäne Beeline operatorlarınıñ narıqtağı ülesi şamamen 30-40%-dı qwraydı. Agenttik törağasınıñ orınbasarı Bolat Sämbetovtiñ mälimdeuinşe, keyingi eki jılda bwl operatorlar baylanıs qızmetteriniñ bağasın bir mezette kötergen. Bwl olardıñ özara kelisimge kelgenin körsetetin belgilerdiñ biri boluı mümkin.

“Biz narıqtı zerttey kele, tarifterdiñ jüyeli türde köterilgenin anıqtadıq. Barlıq operatorlar bir uaqıtta bağanı ösirgen. Qazirgi tañda bwl jağdaydı egjey-tegjeyli taldap jatırmız”, – dedi Sämbetov.

Monopoliya qaupi bar ma?
Sonımen qatar, agenttik iri operatorlardıñ birine qatıstı bölek tergeu jürgizude. Sebebi ol monopoliyalıq joğarı tarifterdi belgileui mümkin degen küdik bar. Eger bwl däleldense, operatorlarğa qatañ şaralar qoldanıluı ıqtimal.

Ayta keteyik, 2023 jılı Kcell, Tele2/Altel jäne Beeline operatorları tarif bağasın negizsiz köterdi degen küdikpen tergep-tekseru bastalğan bolatın.