2025 جىلدىڭ 20 ناۋرىزىنان 21 ناۋرىزىنا دەيىن ۇلتتىق اقپاراتتىق تەحنولوگييالار اكتسيونەرلىك قوعامى جوسپارلى تەحنيكالىق جۇمىستار جۇرگىزەتىنى تۋرالى حابارلادى. وسى جۇمىستار بارىسىندا بىرنەشە ماڭىزدى مەملەكەتتىك ەلەكتروندىق سەرۆيستەردىڭ جۇمىسى ۋاقىتشا توقتاتىلادى, دەپ حابارلايدى Shalqar.kz.

تەحنيكالىق جۇمىستار 20 ناۋرىز, ساعات 23:00-دەن 21 ناۋرىز, ساعات 08:00-گە دەيىن جۇرگىزىلەدى. وسى ۋاقىت ارالىعىندا كەلەسى سەرۆيستەردىڭ قولجەتىمدىلىگى شەكتەلەدى:
 • eGov.kz پورتالى مەن eGov mobile موبيلьدى قوسىمشاسى (سونىڭ ىشىندە “تسيفرلىق قۇجاتتار” سەرۆيسى);
 • e-Otinish, E-license پورتالدارى جانە اشىق ۇكىمەت جۇيەلەرى;
 • قازاقستان رەسپۋبليكاسىنىڭ ۇلتتىق كۋالاندىرۋشى ورتالىعىنىڭ سەرۆيستەرى;
 • “ۇات” اق قولدايتىن باسقا دا جوبالار;
 • ەلەكتروندىق ۇكىمەت شليۋزى ارقىلى ينتەگراتسييالانعان ەكىنشى دەڭگەيلى بانكتەردىڭ موبيلьدى قوسىمشالارىنداعى جانە باسقا جۇيەلەردەگى مەملەكەتتىك قىزمەت كورسەتۋ سەرۆيستەرى.

بۇل ۋاقىتشا شەكتەۋلەر تۇرعىنداردىڭ قىزمەتتەردى پايدالانۋعا اسەر ەتۋى مۇمكىن, سوندىقتان قاجەتتى قىزمەتتەردى الدىن الا الۋ ۇسىنىلادى.