2025 jıldıñ 20 naurızınan 21 naurızına deyin Wlttıq aqparattıq tehnologiyalar akcionerlik qoğamı josparlı tehnikalıq jwmıstar jürgizetini turalı habarladı. Osı jwmıstar barısında birneşe mañızdı memlekettik elektrondıq servisterdiñ jwmısı uaqıtşa toqtatıladı, dep habarlaydı Shalqar.kz.

Tehnikalıq jwmıstar 20 naurız, sağat 23:00-den 21 naurız, sağat 08:00-ge deyin jürgiziledi. Osı uaqıt aralığında kelesi servisterdiñ qoljetimdiligi şekteledi:
 • eGov.kz portalı men eGov mobile mobil'di qosımşası (sonıñ işinde “Cifrlıq qwjattar” servisi);
 • e-Otinish, E-license portaldarı jäne Aşıq ükimet jüyeleri;
 • Qazaqstan Respublikasınıñ Wlttıq kuälandıruşı ortalığınıñ servisteri;
 • “WAT” AQ qoldaytın basqa da jobalar;
 • Elektrondıq ükimet şlyuzi arqılı integraciyalanğan ekinşi deñgeyli bankterdiñ mobil'di qosımşalarındağı jäne basqa jüyelerdegi memlekettik qızmet körsetu servisteri.

Bwl uaqıtşa şekteuler twrğındardıñ qızmetterdi paydalanuğa äser etui mümkin, sondıqtan qajetti qızmetterdi aldın ala alu wsınıladı.