پرەزيدەنت قاسىم-جومارت توقاەۆ قازاقستاندا اتوم ەنەرگيياسى جونىندەگى اگەنتتىك قۇرۋ تۋرالى جارلىققا قول قويدى. بۇل جاڭا قۇرىلىم ەلدەگى اتوم ەنەرگەتيكاسىن دامىتۋعا جانە باسقارۋعا جاۋاپتى بولادى, دەپ حابارلايدى Shalqar.kz.

جارلىققا سايكەس, جاڭا اگەنتتىكتىڭ توراعاسى بولىپ بۇرىنعى ەنەرگەتيكا مينيسترى الماسادام ساتقاليەۆ تاعايىندالدى. وسىعان بايلانىستى ول ەنەرگەتيكا مينيسترى قىزمەتىنەن بوساتىلدى.

قازىرگى تاڭدا ەلىمىزدە ەكىنشى جانە ۇشىنشى اتوم ەلەكتر ستانتسييالارىنىڭ (اەس) سالىناتىن ورنىن تاڭداۋ پروتسەسى جۇرىپ جاتىر. ەنەرگەتيكا مينيسترلىگىنىڭ مالىمەتىنشە, بۇل جوبالار شەتەلدىك نەسيەلەر ەسەبىنەن قارجىلاندىرىلادى. ياعني, ۇلتتىق قور مەن زەينەتاقى جيناقتارى بۇل ماقساتقا جۇمسالمايدى.

بۇعان دەيىن قاسىم-جومارت توقاەۆ ۇلتتىق قۇرىلتايدىڭ پلەنارلىق وتىرىسىندا اتوم ەنەرگەتيكاسىنىڭ ەل ەكونوميكاسىنا ۇزاق مەرزىمدى پايدا اكەلەتىنىن اتاپ وتكەن بولاتىن. وسىعان بايلانىستى, يادرولىق ەنەرگەتيكانى دامىتۋ – ەلدىڭ ستراتەگييالىق مىندەتتەرىنىڭ بىرى بولىپ وتىر.

بۇل باستاما قازاقستاننىڭ ەنەرگەتيكالىق قاۋىپسىزدىگىن نىعايتىپ, جاڭا تەحنولوگييالاردى ەنگىزۋگە مۇمكىندىك بەرمەك.