ЖАСТАР

Автор: ADMIN

ЖАСТАР 2026-04-07 16:57:00

Біз әлеуметтік желілерде:

Жолдағы жәдігер: Алматы метросы неге кітапханаға айналды?

news single

    Метро - тек көлік қана емес, мәдени кеңістікке айналып келеді. Алматы метрополитенінің станцияларында пайда болған шағын кітап сөрелері мен «Bookcrossing» бұрыштары қала тұрғындары үшін жағымды жаңалық болды. Енді жолаушылар жолға кететін уақытын гаджетке телмірумен емес, парақтардың иісін сезінумен өткізе алады. Кітап оқу – сән емес, қажеттілік. Ғылыми зерттеулерге сүйенсек, күніне небәрі 6 минут кітап оқу күйзеліс деңгейін 68%-ға төмендетеді екен. Метроның қарбаласында бұл - жүйкені тыныштандыратын ең жақсы ем.

 

   Сонымен қатар, кітап оқу Альцгеймер ауруының алдын алып, когнитивті қабілетті арттырады. Цифрлар сөйлейді: Қазақстандағы кітапханалар халі. Бүгінде Қазақстанда 3900-ден астам мемлекеттік кітапхана жұмыс істейді. Мегаполисте 30-ға жуық ірі мемлекеттік кітапхана және жүздеген мектеп, университет кітапханалары бар. Соңғы деректер бойынша, елімізде кітапхана оқырмандарының саны 4,5 миллионнан асады. Алматылықтар бұл тізімнің көш басында - қала тұрғындарының 25%-ы кітапхана қызметіне тұрақты жүгінеді. Метродағы кітапхананың маңызы. Алматы метросындағы кітап сөрелері - бұл «ашық кітапхана» концепциясы.

 

  Мұндағы басты қағида - «Бір кітап алсаң, орнына бір кітап қалдыр». Бұл тек оқу емес, адамдар арасындағы мәдениеттілік пен сенімді нығайтатын жоба. Метрода кітап оқып отырған жасты көргенде, ұлттың болашағына деген сенім артады. Өйткені, кітап оқитын халықты жеңу мүмкін емес. Суретте: сүйікті Алматымыздың «Мәскеу» метро бекетінде орналасқан дәл сол кітап бұрышы.

 

  Інжу Алтайқызы 

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться