logo
burger menu search Қазақша language menu
Әлем

Автор: ADMIN

Әлем 2026-04-08 16:07:00

Біз әлеуметтік желілерде:

Стэнфорд

news single

   Қарапайым ғана киінген ерлі-зайыптылар Бостон вокзалынан түскен бетте бірден Гарвард университеті президентінің кеңсесіне қарай бет түзеді. Олармен кездесу алдын-ала жоспарланбаған еді.

 

    Ал бұл екеуін көрген хатшы қыз “Ауылдан келген қаратабандардың Гарвард не теңім?!” деп ойлады.

– Оның сіздерді қабылдайтын уақыты жоқ.

– Біз қанша болса да күтуге дайынбыз. Арада сырғып сағаттар өтті. Екеуі тапжылмастан әлі күтіп отыр. Хатшының оларды күте-күте төзімі таусылып, кетіп қалады деп ойлағаны бекер боп шықты. Ақыры президенке кіріп, бұл екеудің өзінің қабылдауына кірмей кетпейтін түрлері бар екенін жеткізбеске амалы қалмады.

  – Мыналарға бір минут болса да уақытыңызды қимасаңыз, бұл жерден кететін түрлері жоқ. Есіктен имене басып кірген жұпыны киінген екеуді көргенде президент тіптен тырыса қалды. Қатқыл қабағын ашпастан ерлі-зайыптыларға менсінбей қарап, оларды такаппарлана қабылдады.

 

    Сөзді әйел адам бастады:

 

  – Біздің жалғыз ұлымыз бар еді. Ол бір жыл бойы сіздердің университеттеріңізде оқыды. Ол осы жерді қатты жақсы көретін еді. Осында өзін бақытты сезінетін. Өкінішке қарай ол аяқ астынан қайтыс болып кетті. Біз, күйеуім екеуміз, университет аумағында баламызға арнап ескерткіш қалдырсақ деп едік. Онсыз да уақытын алып отырған, қайдан тап болғаны белгісіз, екеуге жүйкесі жұқарып, шекесі тырысып отырған президент мұны естіп, шоршып түсті .

 – Ханым, – деді ол, – біз Гарвардта оқығанның және өлгеннің бәріне ескерткіш орната алмаймыз!

 

   Өйте берсек не болады?! Бұл жер оқу орны емес молаға айналмай ма?!-деп зілдене жауап қатты. – Жоқ-жоқ, – деді әйел жұлып алғандай, – сіз дұрыс түсінбедіңіз!

 

   Біздің ескерткіш орнатсақ деген ойымыз жоқ. Біз Гарвардқа арнап жаңа оқу корпусын салғымыз келеді. Президент оның оңа бастаған шақпақ көйлегіне бір, күйеуінің көнетоз костюміне бір мұқият қарап алғаннан кейін

  – Корпус дейсіз бе? Ал сіз осындай бір оқу ғимаратының құны қанша болатынын білесіз бе? Гарвард ғимараттарының әрқайсысы жеті миллион доллардан кем тұрмайды! Бір минут үнсіздік орнады. Содан кейін барып күйеуіне бұрылған әйел ақырын, естілер-естілмес қана былай деді: – Университет салу осыншалықты арзан тұратын ба еді? Ендеше неге бізге өзіміздің университетімізді салмасқа?! Күйеуі де осыны күтіп отырғандай еді. Дәл сол сәтте “Әрине!” дегендей сенімді түрде басын изей берген-ді. Гарвард президентінің сол сәттегі кейпін көз алдыңызға елестетпей-ақ қойғаныңыз абзал. Ерлі-зайыпты Стэнфордтар орындарынан тұрып, кабинеттен шығып бара жатты. Арада біршама уақыт өткенде Калифорниядағы Паль-Альтода олардың бақилық болған сүйікті ұлдарына ескерткіш ретінде жаңа университет ғимараты бой көтерді.

 

    Университет – Стэнфорд угиверситеті деп аталады.

 

   Википедияға көз салсаңыз: «Стэнфорд теміржол магнаты, АҚШ сенаторы Леланд Стэнфорд пен оның әйелі Джейн Стэнфорд негізін қалаған оқу орны. Университет 1884 жылы 16 жасқа толмай қайтыс болған олардың жалғыз ұлы, кіші Леланд Стэнфордтың құрметіне аталған деп жазылған. Осылайша Стэнфордтар өздерінің жалғыз перзентіне ескерткіш ретінде оқу орнын салды. Ал Леланд болса жұбайына: “Енді Калифорнияның барлық баласы біздің баламыз болады” деген екен.

Басқалармен бөлісе отырыңыз
Пікірлер

Басты жаңалықтар

img
Әлем 2026-04-08

ستەنفورد
img
Қоғам 2026-04-08

Ташенов деген кім еді, не істеген?!
img
Қоғам 2026-04-08

Taşenov degen kim edi, ne istegen?!
news-img
overlay bottom
Қоғам 2026-04-08
Taşenov degen kim edi, ne istegen?!

Последние новости

img
Туризм 2026-04-08

Dom bez elektriçestva, no s vaybom
img
Туризм 2026-04-08

دوم بەز ەلەكتريچەستۆا, نو س ۆايبوم
img
Туризм 2026-04-08

Дом без электричества, но с вайбом

Все новости

news-img
overlay bottom
Туризм 2026-04-08
Dom bez elektriçestva, no s vaybom
news-img
overlay bottom
Туризм 2026-04-08
دوم بەز ەلەكتريچەستۆا, نو س ۆايبوم
news-img
overlay bottom
Туризм 2026-04-08
Дом без электричества, но с вайбом
news-img
overlay bottom
Қоғам 2026-04-08
Taşenov degen kim edi, ne istegen?!
news-img
overlay bottom
Қоғам 2026-04-08
تاشەنوۆ دەگەن كىم ەدى, نە ىستەگەن?!
news-img
overlay bottom
Қоғам 2026-04-08
Ташенов деген кім еді, не істеген?!
news-img
overlay bottom
Әлем 2026-04-08
Stenford
news-img
overlay bottom
Әлем 2026-04-08
ستەنفورد
news-img
overlay bottom
Әлем 2026-04-08
Стэнфорд
Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться