Автор: ADMIN
“يتالييادا جاساندى ينتەللەكت جازعان العاشقى گازەت جارىق كوردى”

يتالييانىڭ Il Foglio باسىلىمى جاساندى ينتەللەكت (جي) كومەگىمەن تولىعىمەن جازىلعان العاشقى گازەتىن شىعاردى. بۇل ەرەكشە ەكسپەريمەنت باسپا سالاسىنداعى تەحنولوگييالىق سەرپىلىستىڭ بىر كورىنىسى بولدى, دەپ حابارلايدى Shalqar.kz.
جي تەك جاڭالىقتار جازىپ قانا قويماي, ماقالا تاقىرىپتارىنان باستاپ, ساركازم ارالاس پىكىرلەرگە دەيىن قوستى. بۇل تۋرالى Il Foglio گازەتىنىڭ باس رەداكتورى كلاۋديو چەراسا مالىمدەدى. ونىڭ ايتۋىنشا, جوبانىڭ باستى ماقساتى — جاساندى ينتەللەكتتىڭ جۋرناليستيكاعا ىقپالىن زەرتتەۋ.
“بۇل الەمدەگى تولىقتاي جي ارقىلى جازىلعان العاشقى كۇندەلىكتى گازەت. اربىر ماقالا, تاقىرىپ, پىكىر — بارلىعى تەحنولوگييانىڭ كومەگىمەن جاسالدى,” — دەيدى چەراسا.
جي جازعان ارنايى شىعارىلىم 18 ناۋرىزدا باسپا جانە ونلاين نۇسقادا جارييالاندى. تورت بەتتىك بۇل باسىلىمدا داستۇرلى جۋرناليستيكا ەلەمەنتتەرى بايقالمادى — ادامداردىڭ تىكەلەي دايەكسوزدەرى, تەرەڭ تالداۋ نەمەسە سۇحباتتار جوق.
“جاساندى ينتەللەكت گرامماتيكالىق تۇرعىدان مىنسىز, تۇسىنىكتى ارى قاراپايىم تىلدە جازا الادى. بىراق ازىرگە ونىڭ ادام ەموتسيياسىن, تەرەڭ ويدى جەتكىزە المايتىنى انىق بايقالدى,” — دەپ قوستى چەراسا.
بۇل ەكسپەريمەنت جۋرناليستيكا سالاسىنداعى تەحنولوگييانىڭ ورنىن ايقىنداۋعا كومەكتەسەدى. جي ماقالالاردى جازۋ بارىسىندا جىلدامدىق پەن دالدىككە باسىمدىق بەرەدى, الايدا ادام قولتاڭباسىنىڭ ورنى ەرەكشە بولىپ قالا بەرەدى.
Басқалармен бөлісе отырыңыз
Пікірлер

Басты жаңалықтар

Ğalımdar qaterli isikti anıqtaytın erekşe robot jasadı

Apple Qazaqstanda densaulıqqa arnalğan smart-servisterdi iske qostı

Qazaqstan ğılımındağı jaña däuir: Wlttıq ğılım akademiyası taratıldı
Последние новости

AQŞ 185 elge baj salığın engizdi: Qazaqstanğa qanday äseri bar?

اقش 185 ەلگە باج سالىعىن ەنگىزدى: قازاقستانعا قانداي اسەرى بار?

Apple Qazaqstanda densaulıqqa arnalğan smart-servisterdi iske qostı