Автор: ADMIN
“Italiyada jasandı intellekt jazğan alğaşqı gazet jarıq kördi”

Italiyanıñ Il Foglio basılımı jasandı intellekt (JI) kömegimen tolığımen jazılğan alğaşqı gazetin şığardı. Bwl erekşe eksperiment baspa salasındağı tehnologiyalıq serpilistiñ bir körinisi boldı, dep habarlaydı Shalqar.kz.
JI tek jañalıqtar jazıp qana qoymay, maqala taqırıptarınan bastap, sarkazm aralas pikirlerge deyin qostı. Bwl turalı Il Foglio gazetiniñ bas redaktorı Klaudio Çerasa mälimdedi. Onıñ aytuınşa, jobanıñ bastı maqsatı — jasandı intellekttiñ jurnalistikağa ıqpalın zertteu.
“Bwl älemdegi tolıqtay JI arqılı jazılğan alğaşqı kündelikti gazet. Ärbir maqala, taqırıp, pikir — barlığı tehnologiyanıñ kömegimen jasaldı,” — deydi Çerasa.
JI jazğan arnayı şığarılım 18 naurızda baspa jäne onlayn nwsqada jariyalandı. Tört bettik bwl basılımda dästürli jurnalistika elementteri bayqalmadı — adamdardıñ tikeley däyeksözderi, tereñ taldau nemese swhbattar joq.
“Jasandı intellekt grammatikalıq twrğıdan minsiz, tüsinikti äri qarapayım tilde jaza aladı. Biraq äzirge onıñ adam emociyasın, tereñ oydı jetkize almaytını anıq bayqaldı,” — dep qostı Çerasa.
Bwl eksperiment jurnalistika salasındağı tehnologiyanıñ ornın ayqındauğa kömektesedi. JI maqalalardı jazu barısında jıldamdıq pen däldikke basımdıq beredi, alayda adam qoltañbasınıñ ornı erekşe bolıp qala beredi.
Басқалармен бөлісе отырыңыз
Пікірлер

Басты жаңалықтар

AQŞ 185 elge baj salığın engizdi: Qazaqstanğa qanday äseri bar?
Последние новости

AQŞ 185 elge baj salığın engizdi: Qazaqstanğa qanday äseri bar?

اقش 185 ەلگە باج سالىعىن ەنگىزدى: قازاقستانعا قانداي اسەرى بار?

Apple Qazaqstanda densaulıqqa arnalğan smart-servisterdi iske qostı