گرەكييانىڭ كوستا-ناۆارينو قالاسىندا وتكەن حالىقارالىق وليمپيادالىق كوميتەتىنىڭ (حوك) 144-شى سەسسيياسى تاريحي شەشىممەن ەستە قالدى. جاڭا پرەزيدەنتتى سايلاۋ بارىسىندا جۇزۋدەن ەكى دۇركىن وليمپيادا چەمپيونى, زيمبابۆە سپورت مينيسترى كيرستي كوۆەنتري جەڭىسكە جەتىپ, ۇيىمدى باسقاراتىن العاشقى ايەل جانە افريكادان شىققان العاشقى باسشى اتاندى, دەپ حابارلايدى Shalqar.kz.

ول بۇل لاۋازىمدا 2013 جىلدان بەرى حوك پرەزيدەنتى بولعان, سەمسەرلەسۋدەن وليمپيادا چەمپيونى توماس باحتى الماستىرادى. باحتىڭ وكىلەتتىگى 2025 جىلدىڭ 23 ماۋسىمىندا رەسمي تۇردە اياقتالىپ, ول حوك-تىڭ ومىر بويعى قۇرمەتتى پرەزيدەنتى مارتەبەسىن الادى.

سونىمەن قاتار, وسى سەسسييادا بوكس 2028 جىلى لوس-اندجەلەستە وتەتىن جازعى وليمپيادا ويىندارىنىڭ باعدارلاماسىنا ەنگىزىلدى. بۇل شەشىم سپورت الەمىندە ۇلكەن رەزونانس تۋدىردى.