Қазақстан Экология және табиғи ресурстар министрлігі азаматтарды 22 наурыз күні сағат 20:30-дан 21:30-ға дейін жарықты сөндіруге шақырды. Бұл шара “Жер сағаты” атты халықаралық экологиялық акция аясында өткізіледі, деп хабарлайды Shalqar.kz.

“Жер сағаты” – қоршаған ортаны қорғауға, климаттың өзгеруіне назар аудартуға бағытталған жаһандық бастама. Миллиондаған адам осы бір сағат ішінде жарықты және электр құрылғыларын өшіріп, табиғатқа жанашырлығын білдіреді.

Қалай қатысуға болады?
 • Үйіңіздегі жарықты сөндіріңіз.
 • Жақындарыңызға бұл бастама туралы айтыңыз.
 • Егер сіз кәсіпорын немесе ұйым атынан қатысқыңыз келсе, ғимараттың сыртқы жарықтандыруын (архитектуралық, декоративтік жарық) уақытша өшіруге болады.