Auır salmaqtağı älem çempionı, eki dürkin çempion äri Olimpiada jeñimpazı Djordj Forman 76 jasında qaytıs boldı. Bwl qayğılı habardı onıñ otbası rastadı, dep habarlaydı Shalqar.kz.

“Mahabbattarıñız ben dwğalarıñız üşin alğıs aytamız. Bizge erekşe baqıt sıylağan adamnıñ ömirin qwrmettey otırıp, onıñ janına tınıştıq tileymiz”, – dep jazdı Formannıñ otbası.

1949 jılı 10 qañtarda düniege kelgen Djordj Forman bokstağı mansabın äuesqoy retinde bastap, bar bolğanı 25 jekpe-jekten keyin Olimpiada çempionı atandı. 1968 jılı Mehikoda ötken Olimpiadada altın medal' jeñip, älemge tanıla bastadı.

Käsipqoy bokstağı debyuti 1969 jılı ötti, al eki jıldan keyin ol WBA jäne WBC reytingterinde №1 ümitker atandı. 1973 jılı ol Djo Freyzerdi sensaciyalıq türde nokautqa tüsirip, auır salmaqtağı älem çempionı boldı.

Formannıñ eñ äygili jekpe-jekteriniñ biri 1974 jılı ötti. “Djunglidegi tarsıl” dep atalğan bwl kezdesude ol Mwhammed Älimen ringte betpe-bet kelip, segizinşi raundta jeñildi.

1977 jılı Forman sporttan ketip, dini qızmetker atandı. Biraq qarjılay qiındıqtarğa baylanıstı 10 jıldan keyin qayta oraldı. 1994 jılı, 45 jasında, ol auır salmaqtağı älem çempionı atağın qaytarıp aldı. Bwl – bokstıñ tarihındağı eñ tañğalarlıq kambekterdiñ biri.

Forman 1997 jılı bokstan tolıqtay ketip, öziniñ biznesin damıtumen aynalıstı. Ol tek sportşı ğana emes, tabıstı käsipker retinde de tanıldı.