Түркияның Анталья қаласында өтіп жатқан әлем кубогының үшінші кезеңінде Қазақстан спортшылары ерекше нәтижелер көрсетті. Спорттық гимнастикадан жарысқа қатысқан Нариман Құрбанов Париж Олимпиадасынан кейінгі алғашқы ресми бәсекесінде жеңіс тұғырынан көрінді. Қазақстандық спортшы тұтқалы ат снаряды жаттығуында чемпион атанып, өз елінің абыройын асқақтатты, деп хабарлайды Shalqar.kz.

Тұтқалы ат снарядының финалында:
 • 1-ші орын — Нариман Құрбанов (Қазақстан)
 • 2-ші орын — Зейнолла Ыдырысов (Қазақстан)
 • 3-ші орын — Ахмад Әбу әл-Сауд (Иордания), әлем чемпионатының екі мәрте жүлдегері

Жарыс әлі аяқталған жоқ, ертең соңғы нәтиже жарияланады. Бұл жеңіс Қазақстан спортшыларының халықаралық аренадағы күшін көрсететін тағы бір қадам болып табылады.