تۇركييانىڭ انتالьيا قالاسىندا وتىپ جاتقان الەم كۋبوگىنىڭ ۇشىنشى كەزەڭىندە قازاقستان سپورتشىلارى ەرەكشە ناتيجەلەر كورسەتتى. سپورتتىق گيمناستيكادان جارىسقا قاتىسقان ناريمان قۇربانوۆ پاريج وليمپياداسىنان كەيىنگى العاشقى رەسمي باسەكەسىندە جەڭىس تۇعىرىنان كورىندى. قازاقستاندىق سپورتشى تۇتقالى ات سناريادى جاتتىعۋىندا چەمپيون اتانىپ, وز ەلىنىڭ ابىرويىن اسقاقتاتتى, دەپ حابارلايدى Shalqar.kz.

تۇتقالى ات سناريادىنىڭ فينالىندا:
 • 1-شى ورىن — ناريمان قۇربانوۆ (قازاقستان)
 • 2-شى ورىن — زەينوللا ىدىرىسوۆ (قازاقستان)
 • 3-شى ورىن — احماد ابۋ ال-ساۋد (يوردانييا), الەم چەمپيوناتىنىڭ ەكى مارتە جۇلدەگەرى

جارىس الى اياقتالعان جوق, ەرتەڭ سوڭعى ناتيجە جارييالانادى. بۇل جەڭىس قازاقستان سپورتشىلارىنىڭ حالىقارالىق ارەناداعى كۇشىن كورسەتەتىن تاعى بىر قادام بولىپ تابىلادى.