ناۋرىز – تابيعاتتىڭ جاڭارۋى مەن ادامنىڭ رۋحاني تازارۋىن دارىپتەيتىن مەيرام. بۇل كۇنى تازالىق تەك قورشاعان ورتاعا عانا ەمەس, وي-سانا مەن جۇرەككە دە قاتىستى بولماق. حالقىمىز جاڭا جىلدى تازا نيەت, جارقىن ۇمىت جانە مىقتى سەنىممەن قارسى الۋدى داستۇرگە اينالدىرعان, دەپ حابارلايدى Shalqar.kz.

ناۋرىزناما ونكۇندىگىنىڭ سوڭعى كۇنىندە ەلىمىزدىڭ تۇكپىر-تۇكپىرىندە سەنبىلىك ۇيىمداستىرىلىپ, قالانىڭ كورىكتى ورىندارى مەن ساياباقتار مەرەكەدەن كەيىنگى قالدىقتاردان تازالانادى. بۇل ەكولوگييالىق شارا قوعامنىڭ قورشاعان ورتاعا دەگەن جاۋاپكەرشىلىگىن ارتتىرىپ قانا قويماي, بىرلىك پەن تاتۋلىقتىڭ بەلگىسىنە اينالادى.

ايتا كەتەيىك, ناۋرىزناما ونكۇندىگى اياسىندا قايىرىمدىلىق اكتسييالارىنان باستاپ, ۇلتتىق داستۇرلەر مەن مادەني ىس-شارالارعا دەيىن اۋقىمدى باعدارلامالار قامتىلعان. ال تازارۋ كۇنى – جاڭا جىلدى تازا ورتا مەن تازا كوڭىل كۇيمەن قارسى الۋدىڭ تاماشا مۇمكىندىگى!