Air Astana әуе компаниясының жолаушылар ұшағы күтпеген жағдайға байланысты Әзірбайжан астанасы Бакуге шұғыл қонды, деп хабарлайды Shalqar.kz.

Оқиғаның басты себебі – борттағы жолаушылардың бірінің кенеттен денсаулығының нашарлауы. Экипаж дереу әрекет етіп, Гейдар Әлиев атындағы халықаралық әуежайға қону туралы шешім қабылдады. Ұшақ жерге қонған бойда медициналық қызметкерлер жолаушыға алғашқы көмек көрсетіп, оны ауруханаға жеткізді.

Бұл жағдай рейстің кешігуіне себеп болды. Қалған жолаушыларға қолайлы жағдай жасалып, олар қонақүйге орналастырылды. Әуе компаниясы ұшақтың қайта ұшуы бойынша барлық қажетті шараларды қолға алды.