Air Astana اۋە كومپانيياسىنىڭ جولاۋشىلار ۇشاعى كۇتپەگەن جاعدايعا بايلانىستى ازىربايجان استاناسى باكۋگە شۇعىل قوندى, دەپ حابارلايدى Shalqar.kz.

وقيعانىڭ باستى سەبەبى – بورتتاعى جولاۋشىلاردىڭ بىرىنىڭ كەنەتتەن دەنساۋلىعىنىڭ ناشارلاۋى. ەكيپاج دەرەۋ ارەكەت ەتىپ, گەيدار اليەۆ اتىنداعى حالىقارالىق اۋەجايعا قونۋ تۋرالى شەشىم قابىلدادى. ۇشاق جەرگە قونعان بويدا مەديتسينالىق قىزمەتكەرلەر جولاۋشىعا العاشقى كومەك كورسەتىپ, ونى اۋرۋحاناعا جەتكىزدى.

بۇل جاعداي رەيستىڭ كەشىگۋىنە سەبەپ بولدى. قالعان جولاۋشىلارعا قولايلى جاعداي جاسالىپ, ولار قوناقۇيگە ورنالاستىرىلدى. اۋە كومپانيياسى ۇشاقتىڭ قايتا ۇشۋى بويىنشا بارلىق قاجەتتى شارالاردى قولعا الدى.