Грузияның Тбилиси қаласында өтіп жатқан парадзюдодан Әлем кубогында қазақстандық спортшылар керемет нәтижеге қол жеткізді, деп хабарлайды Shalqar.kz.

Ақмарал Науатбек (J2, -52 кг) финалда Германия спортшысы Изобель Тайды шеберлікпен жеңіп, алтын медаль иеленді. Бұл – оның Олимпиада чемпионы ретінде алтын жапсырмасы бар кимономен алғаш рет жарысқа қатысуы.

Одан бөлек, Альфия Тлекқабыл (J1, -52 кг) да өз салмағында топ жарып, Қазақстан қоржынына тағы бір алтын қосты. Финалда ол қарсыласы Виктория Потапованы сенімді түрде жеңді.

Жарыста Ғалымжан Смағұлұлы (J2, -81 кг) да жоғары нәтижеге қол жеткізіп, күміс медаль жеңіп алды. Ол Украина және Грузия спортшыларын жеңіп, ақтық сында Литва балуаны Освальдос Барейкиске жол берді.

Бұл дода қазақстандық парадзюдошылардың әлемдік аренадағы күшін тағы бір дәлелдеген жарыс болды.