Алматы Ажары

Автор: ADMIN

Алматы Ажары 2026-05-10 17:32:00

Біз әлеуметтік желілерде:

الماتىنىڭ «التىن تاجى»: «قازاقستان» قوناق ۇيى تۋرالى نە بىلەمىز?

news single

    الماتى دەسە, كوز الدىمىزعا اسقاق تاۋلار مەن مەدەۋدەن كەيىن بىردەن وسى عيمارات كەلەدى. بۇل جاي عانا قوناق ۇي ەمەس - بۇل تۇتاس بىر داۋىردىڭ سيمۆولى, ينجەنەرلىك ويدىڭ شىڭى جانە قالامىزدىڭ ەڭ فوتوگەنيكتى نۇكتەسى! الماتى سەيسميكالىق ايماق. 70-جىلدارى مۇندا 25 قاباتتى ۇي سالۋ «مۇمكىن ەمەس» دەپ ەسەپتەلگەن. بىراق ارحيتەكتور يۋريي راتۋشنىي مەن كونسترۋكتور الەكساندر دەەۆ ماسكەۋدىڭ قاتال تىيىمىنا قاراماستان, تاۋەكەلگە بارۋىنىڭ ناتيدەساندە وسىنداي شەدەۆر دۇنيەگە كەلگەن.

   مىنە, بۇل عيمارات تۋرالى سىز بىلمەۋىڭىز مۇمكىن 5 قىزىقتى دەرەك:

  1. العاشقى «كوك تىرەگەن» 1977 جىلى بوي كوتەرگەن بۇل عيمارات قازاقستانداعى ەڭ العاشقى زاۋلىم ۇي بولدى. 25 قاباتتى (بيىكتىگى 102 مەتر) نىسان 30 جىل بويى الماتىنىڭ ەڭ بيىك عيماراتى اتاعىن ەشكىمگە بەرگەن جوق.
  2. 2. سەيسميكالىق «ەكزامەن» كوپتەگەن ماماندار 9 بالدىق جەر سىلكىنىسىنە توتەپ بەرەتىنىنە سەنبەگەن. سوندىقتان قۇرىلىس كەزىندە ناعىز سىناق وتكىزىلگەن: عيماراتتىڭ توبەسىنە ارنايى دىرىلدەتكىش ماشينالار ورناتىلىپ, جاساندى جەر سىلكىنىسى جاسالعان. ناتيجەسىندە «قازاقستان» وزىنىڭ مىقتىلىعىن دالەلدەپ شىقتى! وز ۋاقىتىندا ناعىز رەكوردسمەن بولدى.
  3. 3. اتى اڭىزعا اينالعان «تاج» عيماراتتىڭ توبەسىندەگى التىن تۇستەس «تاج» وعان ەرەكشە اريستوكراتييالىق سيپات بەرەدى. ساۋلەتشىلەر ونى جاي عانا سان ۇشىن ەمەس, عيماراتتىڭ كومپوزيتسيياسىن اياقتاۋ ۇشىن ويلاپ تاپقان. كەشكى ۋاقىتتا جارىقپەن شاعىلىسقاندا ول ناعىز التىن تاج سەكىلدى جارقىرايدى.
  4. 4. ۆاليۋتاداعى بەينە ەستەرىڭىزدە مە? 1993 جىلعى ەسكى 200 تەڭگەلىك بانكنوتتا وسى قوناق ۇيدىڭ بەينەسى قاشالعان بولاتىن. بۇل عيماراتتىڭ مەملەكەتتىك ماڭىزى بار سيمۆول ەكەنىن تاعى بىر مارتە راستايدى.

5. بالالىق شاق شامدارىنىڭ سيقىرى كوپتەگەن الماتىلىقتار مەن قالا قوناقتارىنىڭ ەسىندە (ال كەيبىرەۋلەردىڭ ۇيىندەگى سورەسىندە) «قازاقستان» قوناق ۇيى بەينەلەنگەن سول باياعى اڭىزعا اينالعان سۋۆەنير-نوچنيك الى كۇنگە دەيىن ساقتاۋلى.

شامدى جاققان كەزدە, عيماراتتىڭ كىپ-كىشكەنتاي تەرەزەلەرىنەن جىلى جارىق شاشىلىپ, بولمەنىڭ ىشىن ەرتەگىدەي تۇنگى قالانىڭ اتموسفەراسىنا بولەيتىن. بۇگىندە بۇل رەترو-سۆەتيلьنيك - ناعىز راريتەت ارى 70-80 جىلدارداعى وتباسىلىق جىلۋلىق پەن جايلىلىقتىڭ سيمۆولى.. بۇگىندە قوناق ۇي الماتىنىڭ ۆيزيت كارتاسى بولىپ قالا بەرمەك, ال ونىڭ بەينەسى سول باياعى «التىن تاجدى» شامدار سيياقتى جىلۋ سىيلايدى. 

  قوناق ۇيدە 447 نومىر بار.بىر مەزەتتە 800-دەن استام ادامدى قابىلداي الادى.

 جىلىنا: ورتا ەسەپپەن جىلىنا 150 000 – 200 000 ادامعا دەيىن قابىلداۋ مۇمكىندىگى بار (تۋريستىك ماۋسىمعا بايلانىستى). «قازاقستان» قوناق ۇيى - ۋاقىت سىنىنا توتەپ بەرگەن, مودەرنيزم ستيلىندەگى بىرەگەي تۋىندى. ول وزىنىڭ جاسىنا قاراماستان, الى دە جاس, الى دە ەڭسەلى!

 

   ال سىز بۇل قوناق ۇيدىڭ ىشىندە بولدىڭىز با?

 

  نەمەسە جانىندا سۋرەتكە تۇسكەندى ۇناتاسىز با?

 

  پىكىرگە جازا كەتىڭىز!

 

   جانىل اپەتوۆا 

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться