بەلارۋسь رەسپۋبليكاسىنىڭ پرەزيدەنتى الەكساندر لۋكاشەنكو جەتىنشى رەت مەملەكەت باسشىسى قىزمەتىنە كىرىستى. 25 ناۋرىزدا وتكەن ۇلىقتاۋ راسىمى كەزىندە ول كونستيتۋتسيياعا قولىن قويىپ, بەلارۋسь تىلىندە انت قابىلدادى, دەپ حابارلايدى Shalqar.kz بەلتا اگەنتتىگىنە سىلتەمە جاساپ.

لۋكاشەنكو داستۇرلى تۇردە انت ماتىنىن وقىپ, ەل حالقىنا ادال قىزمەت ەتۋگە, ازاماتتاردىڭ قۇقىقتارى مەن بوستاندىقتارىن قورعاۋعا, كونستيتۋتسييانى ساقتاۋعا ۋادە بەردى.

— بەلارۋسь رەسپۋبليكاسى پرەزيدەنتىنىڭ قىزمەتىنە كىرىسە وتىرىپ, حالقىمىزعا ادال قىزمەت ەتۋگە, ادام قۇقىقتارى مەن بوستاندىقتارىن قۇرمەتتەۋگە جانە قورعاۋعا, كونستيتۋتسييانى ساقتاۋعا جانە قورعاۋعا سالتاناتتى تۇردە انت ەتەمىن, — دەدى ول.

2025 جىلدىڭ 26 قاڭتارىندا وتكەن پرەزيدەنتتىك سايلاۋدا لۋكاشەنكو 86,82% داۋىس جيناپ, جەڭىسكە جەتتى. وعان 5,1 ميلليوننان استام سايلاۋشى قولداۋ بىلدىرگەن.

ۇلىقتاۋ راسىمى جابىق ەسىك جاعدايىندا وتتى. ىس-شاراعا تەك مەملەكەتتىك ورگاندار مەن شەكتەۋلى توپتاعى رەسمي تۇلعالار قاتىستى. قوعام وكىلدەرى مەن شەتەلدىك جۋرناليستەر شاقىرىلمادى.

سالتاناتتى جيىندا لۋكاشەنكو وز بيلىك جۇيەسىن “ديكتاتۋرا” دەپ سىنايتىندارعا جاۋاپ بەرىپ, ونى حالىق مۇددەسىنە نەگىزدەلگەن باسقارۋ فورماسى دەپ اتادى.

— بۇكىل الەم بىزدىڭ “ديكتاتۋرامىزدى” ارماندايدى. بۇل – ناقتى ىستەر مەن حالقىمىزدىڭ مۇددەلەرىنە نەگىزدەلگەن جۇيە. بىزدە سوز بوستاندىعى دا جەتكىلىكتى. تىپتى وزىن دەموكراتييا ەتالونى سانايتىن ەلدەردەن بىزدە دەموكراتييا كوبىرەك, – دەپ مالىمدەدى ول.