Belarus' Respublikasınıñ prezidenti Aleksandr Lukaşenko jetinşi ret memleket basşısı qızmetine kiristi. 25 naurızda ötken wlıqtau räsimi kezinde ol Konstituciyağa qolın qoyıp, belarus' tilinde ant qabıldadı, dep habarlaydı Shalqar.kz Belta agenttigine silteme jasap.

Lukaşenko dästürli türde ant mätinin oqıp, el halqına adal qızmet etuge, azamattardıñ qwqıqtarı men bostandıqtarın qorğauğa, Konstituciyanı saqtauğa uäde berdi.

— Belarus' Respublikası Prezidentiniñ qızmetine kirise otırıp, halqımızğa adal qızmet etuge, adam qwqıqtarı men bostandıqtarın qwrmetteuge jäne qorğauğa, Konstituciyanı saqtauğa jäne qorğauğa saltanattı türde ant etemin, — dedi ol.

2025 jıldıñ 26 qañtarında ötken prezidenttik saylauda Lukaşenko 86,82% dauıs jinap, jeñiske jetti. Oğan 5,1 millionnan astam saylauşı qoldau bildirgen.

Wlıqtau räsimi jabıq esik jağdayında ötti. İs-şarağa tek memlekettik organdar men şekteuli toptağı resmi twlğalar qatıstı. Qoğam ökilderi men şeteldik jurnalister şaqırılmadı.

Saltanattı jiında Lukaşenko öz bilik jüyesin “diktatura” dep sınaytındarğa jauap berip, onı halıq müddesine negizdelgen basqaru forması dep atadı.

— Bükil älem bizdiñ “diktaturamızdı” armandaydı. Bwl – naqtı ister men halqımızdıñ müddelerine negizdelgen jüye. Bizde söz bostandığı da jetkilikti. Tipti özin demokratiya etalonı sanaytın elderden bizde demokratiya köbirek, – dep mälimdedi ol.