logo
burger menu search Қазақша language menu
Жолсапар

Автор: ADMIN

Жолсапар 2026-06-11 21:23:48

Біз әлеуметтік желілерде:

Qiır meken, kendi tübekte ötken dästürli mädeniet köşi

news single

   Qaraşanıñ 24–30 jwldızında Aqtau qalasında qazaq öneriniñ jarıq jwldızı, ğalamat darın iesi, akter Nwrmwhan Jantörinniñ 80 jıldığına arnalğan Qazaqstan teatrlarınıñ XVI Respublikalıq teatr festivali bolıp ötti. Erekşe sän-saltanatpen wyımdastırılğan öner merekesi Qazaqstan Respublikasınıñ Mädeniet jäne aqparat ministrligi men Mañğıstau oblıstıq äkimdiginiñ tikeley qoldauımen ötkizilip, oğan Qazaqstan teatrlarınıñ 12 wjımı qatıstı. Kieli meken, keñ tübek — Mañğıstau topırağına kindik qanı tamıp, öner quıp qiyanğa ketken biik twlğanıñ 80 jıldığına arnayı wyımdastırılğan mereytoy bir aptağa wlastı. Mädeniet oşaqtarınıñ örisi keñeyip, güldenui sol eldi basqarıp otırğan el ağalarınıñ qoldauına tikeley baylanıstı ekendigi belgili.

 

   Festival'diñ alğaşqı küni sañlaq talanttıñ esimin alğan Nwrmwhan Jantörin atındağı Mañğıstau oblıstıq muzıkalıq drama teatrınıñ eñseli ğimaratı aldında oblıs äkimi Qırımbek Köşerbaevtıñ özi akterdiñ keudemüsinin resmi aşıp, saltanattı türde merekeni bastap berdi. Teatr wjımdarınıñ şığarmaşılıq izdenisterin ıntalandırıp, osı zamanğı sahnalıq üderisterdiñ basım bağıttarın anıqtau, teatr repertuarların joğarı deñgeydegi qoyılımdarmen tolıqtıru maqsatın közdegen festival'diñ ötkizilu barısında Mädeniet ministrligi tarapınan oblıstıq teatr qoyılımdarına arnayı irikteu jürgizilip, bayqauğa qatıstırılatın teatrlar qwramı küni bwrın anıqtalıptı. Arnayı irikteuden ötken teatrlar osı festival' ayasında soñğı jıldarı qoyılğan türli janrdan qwralğan üzdik klassikalıq qoyılımdarın körermen nazarına wsındı. Öner bäsekesinde baq sınay kelgen teatr wjımdarınıñ işinde alğaşqı bolıp Öskemen qalasınıñ Jambıl atındağı Şığıs Qazaqstan oblıstıq drama teatrı Jüsipbek Aymauıtovtıñ «Aqbilek» draması boyınşa öner körsetti. Akter, rejisser üşin eñbektiñ layıqtı bağalanğanınan artığı joq.

 

    KSRO Halıq ärtisi Asanäli Äşimov, teatr qayratkeri, QR Mädeniet jäne aqparat ministrligi Mädeniet komiteti Öner basqarmasınıñ bastığı Baqıt Bökebaev, teatr sınşısı, önertanu ğılımdarınıñ kandidatı Janna Jantörina, teatr sınşısı, önertanu ğılımdarınıñ kandidatı, professor Säniya Qabdieva, jurnalist, «Kazahstanskaya pravda» respublikalıq gazetiniñ Mädeniet böliminiñ şoluşısı Beken Qadırov, Qazaqstan Suretşiler odağınıñ müşesi, Qazaqstannıñ eñbek siñirgen öner qayratkeri Esengeldi Twyaqov jäne Qazaqstannıñ Halıq ärtisi, rejisser, professor Esmwhan Obaev sındı öner qayratkerlerinen tüzilgen qazılar alqası ärbir qoyılımğa taldau jasap, twjırımdap otırdı. Künine eki mezgil spektakl' körsetip, aqtaulıq körermenniñ ıqılasına bölengen teatr wjımdarınıñ deni jastardan qwraladı eken. Mäselen, Säbit Mwqanov atındağı Soltüstik Qazaqstan drama teatrı, Türkistan jäne Öskemen teatrlarındağı ağa wrpaqtıñ önege ülgisimen önerge kelip jatqan jas tolqın özderiniñ sonı izdenisterimen köñilge äldebir jılılıq wyalattı. Öndirdey jas akterler truppasınıñ sahnalıq şeberligi kelisip, rejissura da wtımdı şeşimin tapqan qoyılımdardıñ işinde Soltüstik Qazaqstan oblısı Petropavl qalasınıñ S. Mwqanov atındağı memlekettik qazaq sazdı-drama teatrın erekşe atauğa bolar edi. A. Volodin şığarması boyınşa sahnalanğan, körkemdik-ideyalıq mazmwnı tereñ, kürdeli audarma «Qos jebe» draması rejisserlik tıñ közqaraspen, akterlik şeberlikpen önersüyer qauımdı eleñ etkizdi.

 

   Qoyılımdı jas teatr wjımı

 

  S. Seyfullin atındağı Qarağandı oblıstıq drama teatrınıñ bas rejisseri K. Qasımovtı arnayı şaqırtıp, twñğış ret 2007 jılı sahnalağan eken. Alğaşqı qauımdağı adamdar beynesine enip, ömirdiñ aq pen qarasın ajıratıp, tek qana ädildikke qızmet etu jolın meñzegen keyipkerlerdiñ qilı minezderdegi sahnalıq keskinderi sätti qoyılğan. Büginde respublikanıñ üzdik teatrları qatarınan körine bilgen J. Aymauıtov atındağı Pavlodar oblıstıq qazaq muzıkalıq drama teatrı qoyğan E. De Filippo şığarmasınıñ audarması — «Filumeno Marturano» komediyasında orta buın täjiribeli akterlermen qatar sahnağa endi ğana qadam basqan jastar tobı öner körsetti. Al Qızılorda oblıstıq N. Bekejanov atındağı qazaq muzıkalıq drama teatrı sahnalağan Taufik äl-Hakimniñ «Swltannıñ sasqanı-ay» komediyalıq spektakli ağa buın, orta jäne kişi buınnan, yağni 60 jastan bastap 9-10 jasar balağa deyingi akterlerdi qwraytın truppanıñ bay qwramımen erekşelendi. Sonday-aq birtuar akterdiñ esimin alğan N. Jantörin atındağı Mañğıstau oblıstıq muzıkalıq drama teatrınıñ jas tolqın önerpazdarı orındağan F. Erve şığarmasınıñ audarması — «Mademuazel' Nituş» komediyası körermenniñ biik talğamına jauap bere alatınday tuındılar qatarında boldı desek qatelespeymiz. Qoyılımnıñ sapalı boluı rejisserlik tapqırlıqtıñ jan-jaqtılığı men tereñ izdenisine köp baylanıstı deytin bolsaq, Pavlodar teatrınıñ rejisseri Ersayın Täpenov, Qızılorda teatrınıñ rejisseri Ämir-Temir Hwseyin Jüsipwlı, rejisser Gülsina Merğalieva men Nwrniyaz Mwqanwlı basşılıq etetin N. Jantörin atındağı mañğıstaulıq teatr sındı atalmış üş wjımda da rejisser men akterler oyını toğısıp, bir-biriniñ eñbegin tolıqtırıp, sahnalıq şığarmanıñ sätti şıqqandığına kuä boldıq.

 

    Spektakl'degi ansambl'dik birlestik saqtalıp, şağın mizanscenalar jasauda ärtürli qimıl-äreketterdiñ qwyıp qoyğanday üylesuiniñ özi teatr wjımı men rejisserlik wtqır şeşimniñ täjiribedegi joğarı deñgeyinen habar berip twrdı. Atalğan teatrlar sahnalağan qoyılımdardıñ janrı wqsas bolğanımen, körkemdik körik, tıñ mazmwn tauıp, ärqaysısı öz därmeninşe bügingi künniñ özekti mäselesin körsetude sauattı da mädenietti türde ärqilı izdengeni köñil quanttı. Rejisser, marqwm Rayımbek Seytmetov qasietti Türkistan topırağında qabırğasın qalap, irgesin kötergen Türkistan qalalıq sazdı-drama teatrınıñ bügingi tizginin öz qolına alğan körkemdik jetekşisi Erğali Orazımbetwlı Şot-Aman Uälihanovtıñ «Kadet Şoqan» tarihi dramasın alıp, üş kün, üş tündik şalğay mekennen at terletip, osı öner dodası üşin arnayı jetipti. Qoyılımnıñ sahnalanuınan keyin jas akterlerdiñ şeberligine rizalıq bildirip, taldau jasağan qazılar alqasınıñ müşesi Esmwhan Obaev sahnada oynau şeberliginde akterlerge twsau bolarlıqtay üyrenşikti qağidanıñ toñın jibitip, wjımnıñ däuir tınısına say jaña talaptarmen eñbek etuin tilge tiek etti.

 

   Maman sınşılardıñ talqısına tüsken az-kem kemşilikterine qaramastan, «Kadet Şoqan» qoyılımında şığarmaşılıq jas wjımnıñ az jıldar işinde kürdeli sahna şeberligin meñgergendigi bayqalıp twrdı. Festival'ge qatısqan qoyılımdardıñ jaqsı qasietterimen birge, aytarlıqtay kemşilikteri de kezdesip jattı. Mäselen, Mahambet Ötemiswlı atındağı Atırau oblıstıq qazaq drama teatrı sahnalağan M. Äuezovtiñ «Qaragöz» tragediyası körermendi onşalıqtı baurap ala qoyğan joq. İ. Omarov atındağı Qostanay oblıstıq qazaq drama teatrı qoyğan «Eñlik-Kebek» tragediyasınan da biraz kemşilikter bayqaldı. Sahnadağı oqiğa perdesi Mwhtar Äuezovtey birtuar twlğanıñ körkem oyımen örnektelip, pärmendi bastalğanımen, qoyılımnıñ mañızın aşatın dekoraciya, keyipkerlerdiñ kiim ülgisi qonımsız boldı. Oğan qosa qoyılımdağı eñ kürdeli mindet bastı keyipkerlerdiñ ülesinde ekendigin eskersek, spektakl'degi bastı degen soqtalı rölderde sınğa tüsken jas akterlerdiñ sahna önerinde äli de bolsa balañdığı bayqalıp qaldı. Wlttıq dramaturgiyamızda tıñnan türen salğan Mwhtar Äuezovtey darın iesiniñ eñbegin öz biiginde jetkize almağan oblıstıq qos teatrdıñ atına aytılğan sın da auır boldı. Qoyılımğa saraptama jasay kele qazılar alqasınıñ müşesi Baqıt Bökebaev: «Rejisser, akter, suretker bolıp ıntımaqtasa qızmet etudi talap etetin bwl qoyılım äli de bolsa şoqtığı biik şeberlikti qajet etedi. Eger M. Äuezovti bilmeytin kisi mına qoyılımdı körse, bizdiñ tegeurindi jazuşımızdı eñ naşar jazuşı eken dep oylağan bolar edi. Sondıqtan bwl qoyılımdı elge körsetu wyat, biz bwl spektakl'di «joq» dep bağalaymız», — dep «Eñlik-Kebek» tragediyasına salmaqtı sın ayttı.

 

   Elordamız Astanadan V. Del'mar şığarmaşılığınan audarılğan «Bayansız baq» psihologiyalıq dramasımen kelgen Q. Quanışbaev atındağı qazaq muzıkalıq drama teatrı wjımınıñ sahnalağan qoyılımına da, Tahaui Ahtanov atındağı Aqtöbe oblıstıq drama teatrınıñ orıs truppası sahnalağan N. Gogol'diñ ataqtı «Üylenu» komediyasına da sarapşılar tarapınan wqsas pikir aytıldı. Eki spektakl'de de akterler tobı layıqtı öner körsetkenimen, sahnanıñ scenografiyalıq twrğıdan dekoraciyasınıñ tım küñgirt tartqan süreñsizdigi aytıldı. Sonımen qosa rejisserdiñ käsibi dayındığınıñ tayazdığı da söz boldı. Däl osı twsta sarapşılar sahnadan körermenge keri äser tudıratın mizanscenalıq körinisterdi, mäselen, temeki şegu, anayı söyleu, ärtürli wsqınsız jestterdi sahnada jasap körsetudiñ qajettiligi şamalı ekendigin basa eskertti. Eksperimenttik qoyılım retinde U. Şekspirdiñ «Gamlet» tragediyasın köpşilik nazarına wsınğan Astana qalası Qazaq wlttıq muzıka akademiyasınıñ «Akterlik şeberlik pen rejissura» kafedrası studentteriniñ modern ülgisindegi qoyılımınıñ keskini özgeşe boldı. Orıs tilinde bastalğan qoyılımda nebäri üş akter bastan-ayaq oynaydı. Qazaq, orıs, ağılşın — üş tildi qamtığan spektakl' az aktermen saz oynalıp şıqqan tuındı boldı. Bügingi «Gamletti» qız beynesinde somdağan aktrisanıñ oynau şeberligi talğamı biik körermenniñ köñilinen şıqqan sıñaylı. Teatr festivaliniñ soñğı künderi Oral qalasınıñ Batıs Qazaqstan oblıstıq qazaq drama teatrı sahnalağan A. Kamyudiñ «Kaligula» tragediyası da körermen qauımnıñ estetikalıq-körkemdik talğamın qanağattandırğan qoyılımdardıñ biri boldı.

 

   Şırğalañğa tolı, bir-birimen sabaqtasıp jatqan ürdis boyınşa san qilı zaman ağımında 27 jasında el bilep, ozbır zwlımdığımen bwqara jwrttıñ jadında mäñgi qalğan «Kaligulanı» tarihi däldikti döp basıp, şeber somdağan tastülek önerpaz Quanış Amandıqovtıñ önerine qalıñ körermen qattı süysindi. Qoyılım rejisser, suretşi tarapınan da sätti bağasın alğan spektakl'derdiñ biri boldı. Är qoyılımnıñ soñınan öner körsetken wjımdarğa arnayı sıylıqtar men Nwrmwhan Jantörinniñ keudemüsininiñ suvenirlik nwsqası eskertkişke tabıstaldı. Halıqtıq merekege aynalıp, ülken dübirmen ötken bwl teatr festivaline aqtaulıq körermen erekşe ıqılas bildirdi. Kün sayınğı qoyılımdarğa körermenniñ köptep kelgeni sonşalıq, tipti zalğa sıymay, bir top körermen sırtta da qalıp jattı. Mwnımen Mañğıstau tek ken qazınanıñ mekeni ğana emes, ruhani mädenieti ösken körermeni bar öñir ekenin de körsetti. Bir aptağa sozılğan XVI Respublikalıq teatr festivali de öz märe sızığına kelip jetti. Jabılu saltanatında 7 adamnan tüzilgen qazılar alqası atınan söz alğan Qazaqstannıñ Halıq ärtisi, rejisser Esmwhan Obaev birtuar twlğa Nwrmwhan Jantörinniñ 80 jıldığına arnalğan festival'diñ tabıstı ötkendigin, öner dodasınıñ kütken üdeden şığıp, rejisserdiñ şeşiminiñ wqıptı tañdalğandığın, bäri-bärin, bir sözben aytqanda, festival'diñ sätti ötkendigin söz ete otırıp, qatısqan barlıq 12 teatr wjımına da saltanattı türde arnayı diplomdar tabıs etti.

 

    Nwrmwhan Jantörinniñ şañırağı atınan tağayındalğan arnayı sıylıqtı akterdiñ jarı Jantörina Margarita Viktorovna Astana qalasındağı Wlttıq qazaq muzıka akademiyasınıñ «Akterlik şeberlik jäne rejissura» kafedrasınıñ 5-kurs studenti, jas rejisser YUriy Toloçkoğa tabıs etti. Tek bwl ğana emes, jas rejisser qazılar alqasınıñ şeşimimen 200 mıñ teñge sıyaqımen «Ümit» sıylığımen de qosa marapattaldı. Sonday-aq «Eñ üzdik ekinşi plandağı er adam beynesi» sıylığımen marapattalıp, 250 mıñ teñge sıyaqı Mahambet Ötemiswlı atındağı Atırau oblıstıq drama teatrınıñ akteri Sovet Qojabekovke berildi. «Ekinşi plandağı eñ üzdik äyel beynesi üşin» sıylığımen jäne 250 mıñ teñge sıyaqımen N. Jantörin atındağı Mañğıstau oblıstıq muzıkalıq drama teatrınıñ aktrisası Mayra Baqıtnwrova marapattaldı. «Debyut» sıylığı üşin marapattalıp, 200 mıñ teñge sıyaqı kölemindegi premiya Batıs Qazaqstan oblıstıq qazaq drama teatrınıñ rejisseri Mwhanğali Tomanovqa tağayındalsa, talanttı rejisser qoyğan spektakl'diñ bastı keyipkeri — «Kaligulanı» somdağan Quanış Amandıqov 300 mıñ teñge sıyaqımen «Eñ üzdik er adam beynesi» sıylığımen marapattaldı. Quanıştıñ sıylığın tabıs ete otırıp söz alğan KSRO Halıq ärtisi Asanäli Äşimov: — Osı festival'degi körermenniñ janın jadıratıp, janarın jarq etkizgen beyne osı «Kaligulanıñ» beynesi boldı. Bwl jigit meniñ jastıq şağımdı esime tüsirdi. Baq qwsınday basına erte qonğan därejege, maqtau-madaqqa dandaysımaydı ğoy dep oylaymın. Keleşegi zor. Bolaşaqta bwl akter turalı äli talay estitin bolasızdar, sondıqtan qwttıqtaymın, balam! — dep sözin tüyindedi. Al «Eñ üzdik äyel beynesi» sıylığımen marapattalıp, 300 mıñ teñge sıyaqımen Qalibek Quanışbaev atındağı qazaq muzıkalıq drama teatrınıñ aktrisası Güljan Äspetova marapattaldı. V. Del'mar şığarmasınıñ audarması boyınşa rejisser Äzirbayjan Mämbetov qoyğan «Bayansız baq» spektaklinde Güljan Äspetova Missis Kuper beynesin şeber somdağan bolatın. Qomaqtı sıyaqıdan şeber rejisserlar da qwralaqan qalmadı. «Eñ üzdik rejisserlıq şeşimi üşin» sıylığımen 350 mıñ teñge sıyaqı Türkistan sazdı-muzıkalıq drama teatrınıñ rejisseri Erğali Orazımbetovke tağayındaldı.

 

   Al teatr wjımdarın marapattau räsimine keletin bolsaq, 250 mıñ teñge sıyaqı men arnayı diplommen Öskemen qalasınıñ Jambıl atındağı Şığıs Qazaqstan oblıstıq drama teatrı «Aqbilek» draması üşin jäne İ. Omarov atındağı Qostanay oblıstıq drama teatrı «Eñlik-Kebek» tragediyası qoyılımımen marapattaldı. Festival'diñ «Şığarmaşılıq tabısı üşin» arnayı diplomımen qosa 250 mıñ teñge sıyaqımen T. Ahtanov atındağı Aqtöbe oblıstıq drama teatrı «Üylenu» komediyasın qoyğanı üşin marapattaldı. Dübirli festival'diñ üşinşi orın jüldesimen marapattalıp, 500 mıñ teñge sıyaqı Nartay Bekejanov atındağı Qızılorda oblıstıq muzıkalıq sazdı-drama teatrı wjımına «Swltannıñ sasqanı-ay» komediyalıq qoyılımı üşin berildi. Ekinşi orın jüldesi jäne 600 mıñ teñge sıyaqımen Säbit Mwqanov atındağı Soltüstik Qazaqstan oblıstıq muzıkalıq sazdı-drama teatrı «Qos jebe» dramalıq qoyılımı üşin marapattaldı. Festival'diñ birinşi orın nominaciyası oblıstıq teatrlardıñ işinde jwldızı janğan eki teatr wjımına berildi. Jüsipbek Aymauıtov atındağı Pavlodar oblıstıq drama teatrı «Filumeno Marturano» komediyalıq qoyılımımen jäne Nwrmwhan Jantörin atındağı Mañğıstau oblıstıq sazdı-drama teatrı «Mademuazel' Nituş» (köp körermenge «Tülki bikeş» atauımen tanımal) komediyalıq qoyılımı üşin jüldeli birinşi orındı iemdendi. Sonımen, wlı akterdiñ jolın quğan, büginde esimin alıp, tuın jelbiretken talanttı wrpaqtarı wlı şeberdiñ dañqın elge bwrınğıdan da göri mäşhür ete tüsetindigin tağı bir däleldedi. Är oblıstan kelgen teatr wjımdarın qarsı aludan bastap, olardı qonaqüylerge jayğastıru, as-suların uaqtılı dayındap beru, qalanıñ körikti jerlerimen tanıstıru, aralatu degen siyaqtı jwmıstardıñ barlığında da jergilikti Mañğıstau oblıstıq Nwrmwhan Jantörin atındağı teatrdıñ twtastay wjımı tik twrıp qızmet etti. Osı isterge basşılıq jasağan teatr direktorı Nwrniyaz Mwqanwlı Mwqanov mırzağa köpşiliktiñ aytqan alğısı şeksiz. Oblıs äkimi Qırımbek Eleuwlı Köşerbaev mırza bolaşaqta oblıs tarapınan jergilikti mädeni oşaqtarğa bwdan da jaqsıraq köñil bölinetindigin jäne Kaspiy jağalauında teatrğa arnalğan aqşañqan zäulim saraydıñ jobası sızılıp, teatr qwrılısınıñ jaqın jıldarda erekşe qarqınmen bastalatındığın quanışpen jetkizdi. Töl teatrlarımız ben dramaturgterimizdiñ, rejisserlar men akterlarımızdıñ bağıtın anıqtap, şabısın bayıptauda mwnday auqımdı mädeni şaranı jii ötkizudiñ ornı orasan. Mäselen, rejissura öneriniñ tapşılığınan jüdegen keybir jas teatr wjımdarı öz ortalarınan rejisser kadrın dayındaudı qolğa alıptı. Qazir keybir oblıstardıñ teatr sahnasında akterlar arasınan şıqqan rejisserlardıñ tuındıları köpşilik körermenge wsınılıp keledi. Sonday-aq bügingi ruhani jan azığı, til wstartudıñ biik ülgisi sanalatın sahna tiliniñ salmaqsız, sıldır sözge aynalıp bara jatqandığı, akterdiñ sahnada söz saptau önerinen göri emociyalıq ayğayğa, köbinese tek qimıl-äreketke basa den qoyatındığı da basa aytıldı. Mwnı sınşılar universitet qabırğasında bilim alıp jürgen studentterge arnalğan «Söyleu öneri» päninen däris beretin arnayı maman-wstazdardıñ jetispeuşiligi men täjiribesizdigi saldarınan bolğan kemistik ekendigin de aytıp ötti. Osı sekildi teatr wjımdarındağı tüyindi mäseleler jıl sayın dästürli türde ötkizilip otıratın teatr festival'derinde şeşilui kerek degen wyğarımğa keldi. Teatr festivalinde kuä bolğan tağı bir jayt turalı aytayıq. Respublikalıq teatr festivaliniñ barısında şalğay jerlerden jetken öner ordalarınıñ bir-biriniñ oyının tamaşalauğa mümkindigi bolmadı. Bügin qoyılım qoyıp öner körsetken wjım spektakl'derin sahnalap bolısımen-aq jükterin qayta jiıp, elderine qaytıp ketip jattı. YAğni teatrlar arasındağı şığarmaşılıq baylanıs tüzilgen joq. Festival'diñ soñın tosu üşin olardıñ jatatın orındarına, tamaqtanuına jetkilikti qarajat aldın ala bölinui kerek edi. Bwl jağı oylastırılmağan. QR Mädeniet jäne aqparat ministrligi Mädeniet komiteti Öner basqarmasınıñ bastığı Baqıt Bökebaev ministrlikke däl osı mäseleni şeşudi jetkizetindigin ayttı. Teatrdıñ şığarmaşılıq deñgeyine, akterlar oyını men jalpı rejisserlıq şeşimderge berilgen bağalar, tolıq sın-eskertpeler — arnayı teatr mamandarınıñ endigi aytar äñgimesi. Al biz öz tarapımızdan közben körgen äserimizdi tam-twmdap bolsa da tilge tiek etudi niet ettik jäne bwdan bılayğı uaqıtta wlttıq töl teatrlarımız arasında gastrol'dik saparlar jobası öziniñ tiisti ırğağına tüsip, teatr önerine layıqtı köñil böliner degen ümitti ükiledik. Jıl sayınğı halıqtıq dästürge aynalıp, üzilissiz ötkizilip kele jatqan «Euraziya» kinofestivaline mwhittıñ arğı-bergi jağınan şaqırılatın, dästüri de, tili de özge akter, öner maytalmandarınıñ tek bireuine ğana jomarttıqpen wsınatın sıy-tartuımızdıñ şığını wlttıq teatr wjımdarınıñ bir truppalıq wjımına ketetin jol şığınınan asıp tüsetinin eskersek, özgeniñ qañsığın özimizge tañsıq etkenşe, wlttıq qazınamızdıñ qomaqtı böligi töl önerimizdiñ igiligine jaratılıp jatqanına ne jetsin?!

 

   Jazira AMANTAYQIZI

 

   Almatı – Aqtau – Almatı

 

   2008 jıl

Басқалармен бөлісе отырыңыз
Пікірлер

Басты жаңалықтар

img
Новости 2026-07-21

Изменились правила присвоения названий аэропортам, вокзалам и портам
img
Қоғам 2026-07-21

Avtonesie beru şarttarı jeñildeui mümkin
img
Новости 2026-07-21

Izmenilis' pravila prisvoeniya nazvaniy aeroportam, vokzalam i portam
news-img
overlay bottom
Новости 2026-07-21
Izmenilis' pravila prisvoeniya nazvaniy aeroportam, vokzalam i portam

Последние новости

img
Жаңалықтар 2026-07-21

Äuejay, vokzal jäne porttarğa atau beru qağidaları özgerdi
img
Жаңалықтар 2026-07-21

اۋەجاي, ۆوكزال جانە پورتتارعا اتاۋ بەرۋ قاعيدالارى وزگەردى
img
Новости 2026-07-21

Izmenilis' pravila prisvoeniya nazvaniy aeroportam, vokzalam i portam

Все новости

news-img
overlay bottom
Жаңалықтар 2026-07-21
Äuejay, vokzal jäne porttarğa atau beru qağidaları özgerdi
news-img
overlay bottom
Жаңалықтар 2026-07-21
اۋەجاي, ۆوكزال جانە پورتتارعا اتاۋ بەرۋ قاعيدالارى وزگەردى
news-img
overlay bottom
Новости 2026-07-21
Izmenilis' pravila prisvoeniya nazvaniy aeroportam, vokzalam i portam
news-img
overlay bottom
Новости 2026-07-21
يزمەنيليسь پراۆيلا پريسۆوەنييا نازۆانيي اەروپورتام, ۆوكزالام ي پورتام
news-img
overlay bottom
Новости 2026-07-21
Изменились правила присвоения названий аэропортам, вокзалам и портам
news-img
overlay bottom
Жаңалықтар 2026-07-21
Әуежай, вокзал және порттарға атау беру қағидалары өзгерді
news-img
overlay bottom
Қоғам 2026-07-21
Avtonesie beru şarttarı jeñildeui mümkin
news-img
overlay bottom
Қоғам 2026-07-21
اۆتونەسيە بەرۋ شارتتارى جەڭىلدەۋى مۇمكىن
news-img
overlay bottom
Общество 2026-07-21
Mogut li uprostit' usloviya avtokreditovaniya?
Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться