وڭتۇستىك كورەياداعى الاپات ورمان ورتى سالدارىنان 18 ادام كوز جۇمىپ, 10 ادام جاراقات الدى. تاعى بىر ادام ىز-تۇزسىز جوعالىپ كەتكەن. ورتتىڭ قارقىنىن كۇشەيتكەن اڭىزاق جەل جاعدايدى ودان ارى ۋشىقتىرىپ وتىر, دەپ حابارلايدى Shalqar.kz.

وڭتۇستىك كورەيا پرەزيدەنتىنىڭ مىندەتىن اتقارۋشى حان دوك سۋ مالىمدەمەسىندە 17 مىڭ گەكتاردان استام ورماننىڭ جانىپ كەتكەنىن حابارلادى. سونىمەن قاتار 209 ۇي مەن بىرنەشە فابريكا ورتەنگەن. ەجەلگى گوۋن حرامى دا ورتتەن زارداپ شەكتى, دەگەنمەن قۇندى ۇلتتىق جادىگەرلەر دەر كەزىندە قاۋىپسىز جەرگە كوشىرىلگەن.

قازاقستاننىڭ سىرتقى ىستەر مينيسترلىگىنىڭ حابارلاۋىنشا, وڭتۇستىك كورەياداعى توتەنشە جاعدايعا بايلانىستى ەلشىلىككە قازاقستاندىقتاردان كومەك سۇراعان وتىنىشتەر تۇسپەگەن. مينيسترلىكتىڭ مالىمەتىنشە, قازىرگى ۋاقىتتا قازاقستان ازاماتتارىنا قاتىستى قاۋىپ جوق.

ەسكە سالا كەتەيىك, 23 ناۋرىزدا باستالعان ورمان ورتى سالدارىنان تورت ادام — ۇش ورت سوندىرۋشى مەن بىر مەملەكەتتىك قىزمەتكەر قازا تاپقان بولاتىن. ەل بيلىگى ايماقتا توتەنشە جاعداي جارييالادى.