Рамазан айының аяқталуына санаулы күндер қалды. 30 наурыз – Ораза айт мейрамы, бұл күнді мұсылмандар асыға күтеді. Қазақстан мұсылмандары діни басқармасы Ораза айт намазының уақытын ресми түрде жариялады, деп хабарлайды Shalqar.kz.

Қасиетті аймен қоштасатын бұл күні мұсылмандар таң намазынан кейін Айт намазына жиналады. Намаздың нақты уақытын әр қала бойынша ҚМДБ бекіткен кестеден көруге болады.

Айт күні ерте тұрып, жуынып, таза киім киіп, мешітке барып айт намазын оқу – ислам дәстүріндегі маңызды амалдардың бірі. Сондықтан бұл күнге рухани дайындалып, дұға-тілекпен өткізу ұсынылады.

Толық кестені Қазақстан мұсылмандары діни басқармасының ресми сайтынан көруге болады.