2025 жылдың 28 наурызынан бастап Қазақстанда жаңа дизайндағы 1000 теңгелік купюралар айналымға шығады, деп хабарлайды Shalqar.kz.

Бұл – “Сақ стилі” сериясымен шыққан төртінші банкнота. Ол көшпенділердің мәдени мұрасын бейнелеп, қазақы ою-өрнектермен көмкерілген.

Жаңа банкнота несімен ерекше?

   Түсі: Қоңыр және ашық қоңыр.
   Алдыңғы бетінде:
 • Қалықтаған құс пен “Өмір ағашының” бұтағы (Есік қорғаны, б.з.д. V-IV ғасыр).
 • ДНҚ спиралін бейнелейтін шексіздік символы.
 • Беріктік пен төзімділікті білдіретін артефакт – төс айыл (Бесоба қорғаны, б.з.д. VI-IV ғасыр).

   Артқы бетінде:
 • Оюлы қалқан аясында төбет пен тазы.
 • Қазақтың дәстүрлі ою-өрнегі, “қалқан” символы – қорғаныш пен тұрақтылық белгісі.
 • Ортасында күн бейнеленген дөңгелек – өмір мен жасампаздықтың символы.

Сонымен қатар, банкнотаның ортаңғы бөлігінде қазақ даласының көрінісі мен шексіздік белгісі ою-өрнек стилінде бейнеленген.