Солтүстік Корея Ресейге әскери қолдауын күшейтіп, қару-жарақ пен әскери күштер жіберуді жеделдетті, деп хабарлайды Shalqar.kz сайты Online.ua-ға сілтеме жасап.

Қаңтар және ақпан айларында КХДР Ресейге қосымша 3 000 сарбаз жіберген. Сонымен қатар, зымырандар, артиллериялық жүйелер мен оқ-дәрілер жөнелту айтарлықтай артқан. Бұл мәліметтер Оңтүстік Кореяның әскери барлау қызметі мен Ұлттық барлау қызметіне (NIS) сүйене отырып таратылған.

КХДР Ресейге қандай әскери техника жеткізді?
 • Қысқа қашықтықтағы баллистикалық зымырандар
 • 170 мм өздігінен жүретін гаубицалар
 • 240 мм реактивтік жүйелердің 220 бірлігі

Солтүстік Кореяның жалпы 11 000-ға жуық сарбаз жібергені, олардың ішінде 4 000-ы қаза тапқаны немесе жараланғаны хабарланды. Бұл КХДР әскерінің 1950-1953 жылдардағы Корей соғысынан кейінгі ең ірі қақтығысқа қатысуы.

Оңтүстік Корея барлау қызметінің мәліметінше, бұл шығындар КХДР сарбаздарының заманауи соғысқа дайын еместігімен және ресейлік командирлердің тактикалық қатігездігімен байланысты. Олардың кейбірін оқ жаудыру қолдауынсыз шабуылға жіберген жағдайлар тіркелген.

КХДР лидері Ким Чен Ын жақында Пхеньянда Ресейдің қорғаныс министрі Сергей Шойгумен кездесіп, Ресейдің Украинадағы соғысын толық қолдайтынын мәлімдеді. Кездесу барысында екі ел өткен жылы қол қойылған өзара қорғаныс жөніндегі келісімді растады.