قازاقستاندىق مانەرلەپ سىرعاناۋشى سوفьيا سامودەلكينا بوستوندا وتكەن الەم چەمپيوناتىندا ساتتى ونەر كورسەتىپ, قازاقستان قۇراماسىنىڭ قورجىنىنا 2026 جىلعى قىسقى وليمپيادانىڭ العاشقى ليتسەنزيياسىن سالدى, دەپ حابارلايدى Shalqar.kz.

20 جاستاعى سپورتشى ەركىن باعدارلامادا جوعارى دەڭگەيدە ونەر كورسەتىپ, تەك ەكى ەلەمەنتتە ازداعان قاتەلىككە جول بەرگەنىمەن, جالپى جاقسى ناتيجە كورسەتتى. ول 117,78 ۇپاي جيناپ, ەركىن باعدارلامادا 13-ورىنعا جايعاستى. ال قىسقا باعدارلاما ناتيجەسىمەن جالپى 181,36 ۇپاي جيناپ, 14-ورىندى يەلەندى.

وسى ناتيجەسىنىڭ ارقاسىندا سامودەلكينا قازاقستانعا 2026 جىلى ميلان مەن كورتينا-د’امپەتستسودا وتەتىن قىسقى وليمپياداعا العاشقى جولدامانى الىپ بەردى.

الەم چەمپيوناتىندا التىن مەدالь امەريكالىق مانەرلەپ سىرعاناۋشى اليسا ليۋگە (222,97 ۇپاي) بۇيىرسا, جاپوندىق كاوري ساكاموتو (217,98 ۇپاي) كۇمىسپەن ماراپاتتالدى. قولا جۇلدەنى ونىڭ وتانداسى مونە تيبا (215,25 ۇپاي) يەلەندى.