سولتۇستىك كورەيا رەسەيگە اسكەري قولداۋىن كۇشەيتىپ, قارۋ-جاراق پەن اسكەري كۇشتەر جىبەرۋدى جەدەلدەتتى, دەپ حابارلايدى Shalqar.kz سايتى Online.ua-عا سىلتەمە جاساپ.

قاڭتار جانە اقپان ايلارىندا كحدر رەسەيگە قوسىمشا 3 000 سارباز جىبەرگەن. سونىمەن قاتار, زىمىراندار, ارتيللەرييالىق جۇيەلەر مەن وق-دارىلەر جونەلتۋ ايتارلىقتاي ارتقان. بۇل مالىمەتتەر وڭتۇستىك كورەيانىڭ اسكەري بارلاۋ قىزمەتى مەن ۇلتتىق بارلاۋ قىزمەتىنە (NIS) سۇيەنە وتىرىپ تاراتىلعان.

كحدر رەسەيگە قانداي اسكەري تەحنيكا جەتكىزدى?
 • قىسقا قاشىقتىقتاعى بالليستيكالىق زىمىراندار
 • 170 مم وزدىگىنەن جۇرەتىن گاۋبيتسالار
 • 240 مم رەاكتيۆتىك جۇيەلەردىڭ 220 بىرلىگى

سولتۇستىك كورەيانىڭ جالپى 11 000-عا جۋىق سارباز جىبەرگەنى, ولاردىڭ ىشىندە 4 000-ى قازا تاپقانى نەمەسە جارالانعانى حابارلاندى. بۇل كحدر اسكەرىنىڭ 1950-1953 جىلدارداعى كورەي سوعىسىنان كەيىنگى ەڭ ىرى قاقتىعىسقا قاتىسۋى.

وڭتۇستىك كورەيا بارلاۋ قىزمەتىنىڭ مالىمەتىنشە, بۇل شىعىندار كحدر ساربازدارىنىڭ زاماناۋي سوعىسقا دايىن ەمەستىگىمەن جانە رەسەيلىك كومانديرلەردىڭ تاكتيكالىق قاتىگەزدىگىمەن بايلانىستى. ولاردىڭ كەيبىرىن وق جاۋدىرۋ قولداۋىنسىز شابۋىلعا جىبەرگەن جاعدايلار تىركەلگەن.

كحدر ليدەرى كيم چەن ىن جاقىندا پحەنьياندا رەسەيدىڭ قورعانىس مينيسترى سەرگەي شويگۋمەن كەزدەسىپ, رەسەيدىڭ ۋكرايناداعى سوعىسىن تولىق قولدايتىنىن مالىمدەدى. كەزدەسۋ بارىسىندا ەكى ەل وتكەن جىلى قول قويىلعان وزارا قورعانىس جونىندەگى كەلىسىمدى راستادى.