قازاقستاندىق مانەرلەپ سىرعاناۋشى ميحايل شايدوروۆ ەل سپورتىنداعى كەزەكتى تاريحي جەتىستىككە قول جەتكىزدى. ول بوستوندا (اقش) وتكەن الەم چەمپيوناتىندا كۇمىس جۇلدە يەلەنىپ, 2026 جىلعى وليمپيادا ويىندارىنا جولداما الدى, دەپ حابارلايدى Shalqar.kz.

قىسقا باعدارلامادان كەيىن قازاقستاندىق سپورتشى ۇشىنشى ورىندا تۇرعانىمەن, ەركىن باعدارلامادا شەبەرلىگىن كورسەتىپ, ناتيجەسىن جاقسارتتى. ول تورەشىلەردەن 192,70 ۇپاي جيناپ (جەكە رەكورد), جالپى ەسەپتە 287,47 ۇپايعا (تاعى بىر جەكە رەكورد) قول جەتكىزىپ, الەم چەمپيوناتىن كۇمىس مەدالьمەن اياقتادى.

جەڭىمپازدار ۇشتىگى
 • يلьيا مالينين (اقش) – 318,56 ۇپاي (ەكىنشى جىل قاتارىنان چەمپيون)
 • ميحايل شايدوروۆ (قازاقستان) – 287,47 ۇپاي (جەكە رەكورد, كۇمىس جۇلدە)
 • يۋما كاگيياما (جاپونييا) – 278,19 ۇپاي (قولا جۇلدە)

وليمپياداعا جول اشقان جەتىستىكتەر

بۇل – ميحايل شايدوروۆتىڭ ەرەسەكتەر اراسىنداعى الەم چەمپيوناتىنداعى ەڭ ۇزدىك ناتيجەسى. بۇعان دەيىن ول جاسوسپىرىمدەر اراسىندا الەم چەمپيوناتىنىڭ كۇمىس جۇلدەگەرى بولعان. ال بيىلعى ماۋسىمدا سپورتشى ازييا ويىندارىنىڭ قولاسىن, تورت قۇرلىق چەمپيوناتىنىڭ التىنىن جەڭىپ الدى.

2026 جىلعى وليمپياداعا جولداما الۋ ۇشىن سپورتشى الەم چەمپيوناتىندا ۇزدىك 24 مانەرلەپ سىرعاناۋشىنىڭ قاتارىنا كىرۋى تيىس ەدى. ميحايل بۇل تالاپتى سەنىمدى تۇردە ورىندادى. ەندى ISU جاقىن كۇندەرى وليمپيادا جولداماسىن يەلەنگەن سپورتشىلاردىڭ رەسمي تىزىمىن جارييالايدى.

ايتا كەتەيىك, بۇعان دەيىن قازاقستاندىق مانەرلەپ سىرعاناۋشى سوفьيا سامودەلكينا دا وليمپيادا جولداماسىن جەڭىپ العان بولاتىن.