Qazaqstandıq mänerlep sırğanauşı Mihail Şaydorov el sportındağı kezekti tarihi jetistikke qol jetkizdi. Ol Bostonda (AQŞ) ötken älem çempionatında kümis jülde ielenip, 2026 jılğı Olimpiada oyındarına joldama aldı, dep habarlaydı Shalqar.kz.

Qısqa bağdarlamadan keyin qazaqstandıq sportşı üşinşi orında twrğanımen, erkin bağdarlamada şeberligin körsetip, nätijesin jaqsarttı. Ol töreşilerden 192,70 wpay jinap (jeke rekord), jalpı esepte 287,47 wpayğa (tağı bir jeke rekord) qol jetkizip, älem çempionatın kümis medal'men ayaqtadı.

Jeñimpazdar üştigi
 • Il'ya Malinin (AQŞ) – 318,56 wpay (ekinşi jıl qatarınan çempion)
 • Mihail Şaydorov (Qazaqstan) – 287,47 wpay (jeke rekord, kümis jülde)
 • YUma Kagiyama (Japoniya) – 278,19 wpay (qola jülde)

Olimpiadağa jol aşqan jetistikter

Bwl – Mihail Şaydorovtıñ eresekter arasındağı älem çempionatındağı eñ üzdik nätijesi. Bwğan deyin ol jasöspirimder arasında älem çempionatınıñ kümis jüldegeri bolğan. Al biılğı mausımda sportşı Aziya oyındarınıñ qolasın, Tört qwrlıq çempionatınıñ altının jeñip aldı.

2026 jılğı Olimpiadağa joldama alu üşin sportşı älem çempionatında üzdik 24 mänerlep sırğanauşınıñ qatarına kirui tiis edi. Mihail bwl talaptı senimdi türde orındadı. Endi ISU jaqın künderi Olimpiada joldamasın ielengen sportşılardıñ resmi tizimin jariyalaydı.

Ayta keteyik, bwğan deyin qazaqstandıq mänerlep sırğanauşı Sof'ya Samodelkina da Olimpiada joldamasın jeñip alğan bolatın.