حالىقارالىق ۆاليۋتا قورىنىڭ (حۆق) ساراپشىلارى ۋكرايناداعى سوعىس 2025 جىلدىڭ سوڭىنا قاراي باسەڭدەۋى مۇمكىن دەپ بولجايدى, دەپ حابارلايدى Shalqar.kz.

بۇل مالىمەت حۆق-نىڭ ۋكراينا ەكونوميكاسىنا ارنالعان جەتىنشى شولۋىندا جارييالانعان. ساراپشىلاردىڭ پىكىرىنشە, قازىرگى جاعداي الى دە تۇراقسىز بولعانىمەن, بازالىق ستسەناريي بويىنشا, سوعىس بيىلعى جىلدىڭ سوڭعى ايلارىندا سايابىرلاۋى تيىس.

دەگەنمەن, ۋكراينا ەكونوميكاسى ۇشىن قيىندىقتار الى دە وزەكتى بولىپ وتىر. نەگىزگى قاۋىپ-قاتەرلەر مىنالار:
 • گاز ينفراقۇرىلىمىنا جاسالعان اۋقىمدى شابۋىلدار;
 • پوكروۆسك ماڭىنداعى ستراتەگييالىق ماڭىزدى كومىر شاحتاسىنىڭ جابىلۋى.

بۇل فاكتورلار 2025 جىلى ەل ەكونوميكاسىنىڭ دامۋىنا كەرى اسەرىن تيگىزۋى مۇمكىن.

ۋكراينا ۇكىمەتىنىڭ رەسمي سايتىندا جارييالانعان اقپاراتقا سايكەس, رەسەي باسقىنشىلىعى باستالعاننان بەرى حالىقارالىق ۆاليۋتا قورى ەلگە ەڭ كوپ قارجىلاي كومەك كورسەتكەن ۇش دونوردىڭ قاتارىنا ەندى. قازىرگى ۋاقىتتا تەك ەۋروپالىق وداق پەن اقش قانا حۆق-دان كوپ قولداۋ كورسەتىپ وتىر.