Еркін күрестен Қазақстан атынан сынға түскен Нұрқожа Қайпанов Иорданияның Амман қаласында өтіп жатқан Азия чемпионатының финалында жеңіске жетті. Бұл туралы 30 наурызда Ұлттық олимпиадалық комитеттің баспасөз қызметі жазды,деп хабарлайды Shalqar.kz

74 келіге дейінгі салмақта өнер көрсеткен қазақстандық балуан ақтық сында қырғыз спортшысы Орозбек Токтомамбетовпен кездесіп, 2:1 есебімен жеңіске жетті.

 Айта кетейік, Нұрқожа Қайпанов бұған дейін 70 келі салмақ дәрежесінде әлем чемпионы атанған. Сондай-ақ, Азия чемпионатында Қазақстан құрамасынан Ризабек Айтмұхан (97 келі) күміс, Рахат Қалжан (57 келі) қола жүлде иеленді.