Мәнерлеп сырғанаудан АҚШ-тың Бостон қаласында өткен әлем чемпионатында Софья Самоделкина 14-орынға тұрақтады (117,78 ұпай). Жүлделі орынға жете алмаса да, бұл нәтиже оның Олимпиадаға жолдама алуына жеткілікті болды, деп хабарлайды Shalqar.kz.

18 жастағы спортшы үшін бұл үлкен жетістік. Ал жарыстың басты жұлдызы – америкалық Алиса Лю (222,97 ұпай). Ол үш жыл бұрын спорттан қол үзгенімен, қайта оралып, әлем чемпионы атанды. Күміс пен қола жүлделерді жапондық Каори Сакамото (217,98) мен Монэ Тиба (215,24) иеленді.

Сонымен қатар, қысқа бағдарламада үшінші орын алған Михаил Шайдоров та ертең жарыс жолына шығады. Ол алғашқы жаттығу нәтижесі бойынша 94,77 ұпай жинап, тек америкалық Илья Малинин (110,41) мен жапондық Юма Кагиямадан (107,09) қалып қойды.