Қазақстанның шайбалы хоккей чемпионатының финалына шыққан алғашқы команда белгілі болды. Көкшетаулық «Арлан» жартылай финалда қарағандылық «Шахтерді» сенімді жеңіспен (7:1) тізе бүктіріп, шешуші кезеңге жолдама алды, деп хабарлайды Shalqar.kz.

Тұрақты маусымның жеңімпазы атанған Владимир Маркеловтің шәкірттері 36 ойыннан кейін 59 ұпай жинап, өз деңгейін тағы бір мәрте дәлелдеді. Өткен маусымда олар плей-офф кезеңінде чемпион атанып, финалда «Номадты» (Нұр-Сұлтан) 4:1 есебімен жеңген болатын.

Финалдағы қарсыласы әзірге белгісіз. Өскемендік «Торпедо» мен өзбекстандық «Хумо» арасындағы тартысты серия 3 сәуірде шешуші ойынмен аяқталады. Қазір есеп тең – 3:3.