logo
burger menu search Қазақша language menu
Қоғам

Автор: ADMIN

Қоғам 2026-10-18 16:45:07

Біз әлеуметтік желілерде:

الماتىدا بالالاردىڭ قۇقىقتارى مەن قاۋىپسىزدىگىن قورعاۋ بويىنشا ۆەدومستۆوارالىق وتىرىس وتتى

news single

   بالا - ادامزاتتىڭ ەڭ مولدىر, ەڭ تازا بولشەگى. اربىر سابيدىڭ الاڭسىز كۇلكىسى مەن جاۋتاڭداعان جانارىندا بۇكىل قوعامنىڭ ەرتەڭگى ايناسى تۇر. بالالىق شاقتىڭ باقىتتى, ال بولاشاقتىڭ بەكەم بولۋى - بۇگىنگى بىزدىڭ ولارعا جاساعان قامقورلىعىمىز بەن قۇقىقتارىن قانشالىقتى قورعاي العانىمىزعا تىكەلەي بايلانىستى. الماتى قالاسىنداعى وقۋشىلار سارايىندا بالالاردىڭ قۇقىقتارىن قورعاۋ باسقارماسىنىڭ باستاماسىمەن كەڭەيتىلگەن بىرلەسكەن وتىرىس وتتى.

 

 

    جيىنعا الماتى قالاسى پوليتسييا دەپارتامەنتى, قوعامدىق دەنساۋلىق ساقتاۋ باسقارماسى, بىلىم باسقارماسى, پسيحولوگييالىق قولداۋ ورتالىعى, №1 ارناۋلى الەۋمەتتىك قىزمەتتەرگە مۇقتاج بالالاردى قولداۋ ورتالىعى, جۇمىسپەن قامتۋ جانە الەۋمەتتىك باعدارلامالار باسقارماسى, وتباسىن قولداۋ ورتالىعى, سونداي-اق قوعامدىق كەڭەس مۇشەلەرى مەن قوعامدىق ۇيىمداردىڭ وكىلدەرى قاتىستى. شارانىڭ نەگىزگى ماقساتى – كامەلەتكە تولماعانداردىڭ ومىرى مەن دەنساۋلىعىنا تونەتىن قاۋىپتەردىڭ الدىن الۋ جانە الماتى قالاسى اكىمىنىڭ ورىنباسارى بەكىتكەن مەملەكەتتىك ورگانداردىڭ وزارا ىس-قيمىلىنىڭ بىرىڭعاي الگوريتمىن ىسكە اسىرۋ. بىرلەسكەن الگوريتم نەگىزىندە ىسكە كىرىسكەن مەكەمە وكىلدەرى جۇمىستىڭ تيىمدىلىگىن ارتتىرۋ, كەدەرگىلەردى ەڭسەرىپ, ورتاق مامىلەگە كەلۋ ماقساتىندا وزارا پىكىر الماستى. جيىننىڭ باستى تۇيىنى - بالالاردىڭ قۇقىعىن قورعاۋ مەن ولاردىڭ قاۋىپسىزدىگىن قامتاماسىز ەتۋدە ەشقانداي ىركىلىس پەن تۇسىنىسپەۋشىلىككە ورىن جوق. ويتكەنى اربىر بالانىڭ ماسەلەسى - كەيىنگە قالدىرۋدى كوتەرمەيتىن, دەر كەزىندە شەشىلۋى تيىس كەزەك كۇتتىرمەيتىن مىندەت.

 

 

   جيىندى الماتى قالاسى بالالاردىڭ قۇقىقتارىن قورعاۋ باسقارماسىنىڭ باسشىسى جانات ايتپاەۆا اشىپ, سالاداعى نەگىزگى وزگەرىستەر مەن جاڭاشىلدىقتارعا توقتالدى. ونىڭ ايتۋىنشا, مەملەكەت باسشىسىنىڭ تاپسىرماسىمەن سوڭعى جىلدارى زاڭنامانى جەتىلدىرۋ باعىتىندا اۋقىمدى جۇمىستار جۇرگىزىلدى. بالانى زورلىق-زومبىلىقتان قورعاۋعا جانە وتباسىلىق ماسەلەلەردى ەرتە انىقتاۋعا باعىتتالعان 10 جاڭا زاڭ قابىلدانىپ, بالالار ساياساتىنىڭ بارلىق باعىتتارىن بىرىكتىرەتىن 2026–2030 جىلدارعا ارنالعان «قازاقستان بالالارى» تۇجىرىمداماسى بەكىتىلدى. باسقارما باسشىسى سالاداعى كادرلار سانىنىڭ ارتۋى, قورعانشىلىق ورگاندارىندا 5 مىڭ بالاعا كەمىندە 1 ماماننان بولىنۋى, كەيس-مەنەدجمەنت ينستيتۋتىنىڭ قالىپتاسۋى جانە 5 مينيسترلىكتىڭ بۇيرىعىمەن بەكىتىلگەن بىرىڭعاي الگوريتمنىڭ ماڭىزىن تىلگە تيەك ەتتى. بۇل الگوريتم بالانىڭ قۇقىعى بۇزىلعان ساتتەن باستاپ وعان كەشەندى كومەك كورسەتىلگەنگە دەيىنگى پروتسەستى قامتيدى, ال باسقارما بۇل جۇمىستىڭ بىرىڭعاي ۇيلەستىرۋشىسى قىزمەتىن اتقارادى. «باستى ماقساتىمىز - قاعاز جۇزىندەگى ەسەپ ەمەس, بالا مەن وتباسىنا شىنايى ارى ۋاقتىلى كومەك كورسەتۋ.

 

 

   بالالاردىڭ قاۋىپسىزدىگى – تەك بىر ۆەدومستۆونىڭ ەمەس, بۇكىل قوعام مەن مەملەكەتتىك ورگانداردىڭ ورتاق جاۋاپكەرشىلىگى. جاڭا الگوريتم داعدارىستىق جاعدايلاردا جەدەل دەن قويۋعا جانە اربىر بالاعا اتاۋلى كومەك كورسەتۋگە مۇمكىندىك بەرەدى. بىزدىڭ باستى مىندەتىمىز – سالدارىمەن كۇرەسۋ ەمەس, قاۋىپتى ەرتە ساتىدا انىقتاپ, فورمالدى حات الماسۋدىڭ ورنىنا شىنايى, ۋاقتىلى ارەكەت ەتۋ», – دەپ باسا ايتتى جانات جەڭىسبەكقىزى. باسقوسۋ بارىسىندا ار ۆەدومستۆو وزىنە جۇكتەلگەن مىندەتتەردىڭ ماڭىزدىلىعىن سارالادى. ماسەلەن, يۋۆەنالدى پوليتسييا وكىلى قۇقىق بۇزۋشىلىقتىڭ الدىن الۋ مەن جەدەل ارەكەت ەتۋ مەحانيزمدەرىنە توقتالسا, وتباسىن قولداۋ ورتالىعىنىڭ ماماندارى داعدارىسقا ۇشىراعان وتباسىلارعا پسيحولوگييالىق-الەۋمەتتىك كومەك كورسەتۋدىڭ قىر-سىرىن باياندادى. بالا قۇقىعىن قورعاۋ - بۇل جاي عانا زاڭ تالابى نەمەسە مىندەت ەمەس, بۇل - وركەنيەتتى قوعامنىڭ باستى ادامگەرشىلىك پاراساتى. اربىر بالا زورلىق-زومبىلىقتان ادا, سۇيىسپەنشىلىك پەن جىلىلىققا تولى ورتادا وسۋگە قۇقىلى. ولاردىڭ كىشكەنتاي جۇرەگىنە سەنىم ۇيالاتىپ, قاۋىپسىز الەم سىيلاۋ - ۇلكەندەردىڭ قاسيەتتى بورىشى.

 

 

   بالالاردىڭ قاۋىپسىزدىگىن قامتاماسىز ەتۋدە يۋۆەنالدى پوليتسييانىڭ اتقاراتىن رولى ەرەكشە. الگوريتمدى ىسكە اسىرۋدىڭ العاشقى ناتيجەلەرى مەن الداعى مىندەتتەرگە توقتالعان الماتى قالاسى پد جپقب يۋۆەنالدى پوليتسييا بولىمىنىڭ باستىعى, پوليتسييا پودپولكوۆنيگى جاننا شونجانوۆا وز سوزىندە يۋۆەنالدى پوليتسييانىڭ جازالاۋشى ەمەس, الەۋمەتتىك-قۇقىقتىق جانە پسيحولوگييالىق كومەك كورسەتۋشى ورگان ەكەنىن باسا ايتتى. «الگوريتم شەڭبەرىندەگى بىزدىڭ باستى مىندەتىمىز - بالالارعا قاتىستى كەز كەلگەن قۇقىق بۇزۋشىلىقتىڭ نەمەسە قاۋىپ-قاتەردىڭ الدىن الۋ جانە وعان جەدەل ارەكەت ەتۋ. پوليتسييا تەك جازالاۋشى ورگان ەمەس, ەڭ الدىمەن - قورعاۋشى. وسى ورتاق الگوريتمنىڭ ارقاسىندا بىز باسقا ۆەدومستۆولارمەن اقپاراتتى مەيلىنشە جىلدام الماسىپ, قيىن جاعدايعا تاپ بولعان بالاعا دەر كەزىندە قۇقىقتىق ارى فيزيكالىق قاۋىپسىزدىك قامتاماسىز ەتە الامىز. كەدەرگىلەردى جويىپ, بىرلەسىپ جۇمىس ىستەۋ - بالانىڭ اماندىعىنىڭ كەپىلى» - دەدى ول. بالاعا قۇقىقتىق قورعاۋدان بولەك, جىلى ورتا مەن پسيحولوگييالىق قولداۋدىڭ اۋاداي قاجەت ەكەنى بەلگىلى. وسى ورايدا الماتى قالاسى وتباسىن قولداۋ ورتالىعىنىڭ ديرەكتورى زاريپوۆ اقمولجان الگوريتمنىڭ الەۋمەتتىك ماڭىزىنا توقتالىپ, وز پىكىرىن بىلدىردى: «بىزدىڭ ورتالىقتىڭ نەگىزگى ميسسيياسى - بالانىڭ پسيحولوگييالىق جانە الەۋمەتتىك جاي-كۇيىن قالپىنا كەلتىرۋ, وتباسىنداعى داعدارىستىڭ تەرەڭدەۋىنە جول بەرمەۋ. ۆەدومستۆوارالىق الگوريتم بىزگە پوليتسييامەن, بىلىم بەرۋ جانە دەنساۋلىق ساقتاۋ ۇيىمدارىمەن تىعىز بايلانىستا جۇمىس ىستەۋگە مۇمكىندىك بەرەدى.

 

 

   بالانى تەك ۋاقىتشا قورعاپ قويۋ جەتكىلىكسىز, وعان جانە ونىڭ وتباسىنا كەشەندى پسيحولوگييالىق-الەۋمەتتىك كومەك كورسەتىلۋى تيىس. بىزدىڭ ورتاق ماقساتىمىز - اربىر بالانىڭ وز وتباسىندا امان-ەسەن, جىلىلىقتا وسۋىن قامتاماسىز ەتۋ», - دەدى ول. وتىرىس بارىسىندا الماتى قالاسى قوعامدىق كەڭەسىنىڭ مۇشەسى رافاەلь گاسانوۆ وسىنداي ماڭىزدى ۆەدومستۆوارالىق كەزدەسۋگە قوعامدىق ۇيىمدار مەن باق وكىلدەرىنىڭ ارنايى شاقىرىلعانىنا العىس بىلدىرىپ, بالالاردىڭ قۇقىقتارىن قورعاۋداعى اربىر مەكەمەنىڭ ەرەكشە ورنى مەن جاۋاپكەرشىلىگىن اتاپ وتتى: «ۆەدومستۆوارالىق وتىرىسقا قوعامدىق ۇيىمدار مەن بۇقارالىق اقپارات قۇرالدارىنىڭ وكىلدەرى قاتىسىپ, اشىق پىكىر الماسۋعا جاعداي جاسالعانى ۇشىن العىس بىلدىرەمىن. بىز بارىمىز ورتاق ىس اتقارىپ جاتىرمىز. بالالاردىڭ قۇقىقتارىن قورعاۋ – بارشامىزعا ورتاق مىندەت, ويتكەنى بىزدىڭ ەڭ باستى قۇندىلىعىمىز – بالالارىمىز. قالادا ارنايى ارەكەت ەتۋ الگوريتمى قۇرىلىپ, موبيلьدى توپتار بەلسەندى جۇمىس ىستەپ جاتقانىمەن, جەكەلەگەن تەتىكتەردى الى دە جەتىلدىرە تۇسۋ قاجەت. الماتى قالاسىنىڭ قوعامدىق كەڭەسى بۇل ماسەلەنى ۇدايى قوعامدىق باقىلاۋدا ۇستايدى», – دەدى ول. تۇيتكىلدى ماسەلەلەردى شەشۋدە كەشەندى تاسىلدىڭ ماڭىزدىلىعىن بىلىم بەرۋ جۇيەسى مەن پسيحولوگييالىق قولداۋ ورتالىعىنىڭ وكىلدەرى دە راستادى. ولار وز سوزىندە مەكتەپتەردەگى پسيحولوگييالىق احۋالدى تۇراقتى باقىلاپ, قاۋىپ-قاتەر بەلگىلەرىن ەرتە انىقتاۋعا, بالالارعا ەموتسيونالدىق قولداۋ كورسەتۋ مەن بەيىمدەلۋىنە كومەكتەسۋگە, سونداي-اق قاۋىپسىز بىلىم بەرۋ ورتاسىن قالىپتاستىرۋعا باسا مان بەرەتىندىكتەرىن جەتكىزدى.

 

 

    وز كەزەگىندە قوعامدىق دەنساۋلىق ساقتاۋ باسقارماسىنىڭ وكىلدەرى زارداپ شەككەن بالالارعا شۇعىل مەديتسينالىق كومەك كورسەتۋدى, جەدەل ەمدەۋ شارالارىن ۇيىمداستىرۋدى جانە ولاردىڭ دەنساۋلىعىن تولىق قالپىنا كەلتىرۋدى قامتاماسىز ەتۋ باعىتىنداعى جۇمىستاردى باياندادى. سونىمەن قاتار, «ميلوسەرديە» ەرىكتى قوعامدىق قورىنىڭ «قازاقستان – جەتىمدەرسىز» جوباسىنىڭ وكىلى ولьگا ارينباساروۆا مەملەكەتتىك ورگاندار مەن ۇكىمەتتىك ەمەس ۇيىمدار اراسىندا قالىپتاسقان اشىقتىق پرينتسيپىنىڭ جوعارى تيىمدىلىگىن ەرەكشە اتاپ وتتى: «بىزدىڭ ۇيىمنىڭ قۇرىلعانىنا 20 جىلعا جۋىقتاسا, جوبامىزدىڭ جۇزەگە اسىرىلىپ جاتقانىنا 15 جىلداي بولدى. سوندىقتان مەندە سالىستىراتىن تاجىريبە دە, نەگىز دە بار. قوعام بەلسەندىسى رەتىندە مەملەكەتتىك ورگاندار مەن ۇكىمەتتىك ەمەس ۇيىمداردىڭ وزارا ىس-قيمىلىندا سوڭعى كەزدەرى ايقىن كورىنىس تاۋىپ وتىرعان اشىقتىق پرينتسيپىنىڭ ماڭىزدىلىعىن اتاپ وتكىم كەلەدى.

 

    بۇگىنگى تاڭدا قالا دەڭگەيىندە ۆەدومستۆوارالىق ىنتىماقتاستىقتىڭ قانشالىقتى ناقتى ارى ۇيلەسىمدى جولعا قويىلعانىنا كۋا بولىپ وتىرمىز. بالالارعا قاتىستى كوپتەگەن وزەكتى ماسەلەلەر دال وسى اشىقتىقتىڭ ارقاسىندا جەدەل شەشىمىن تابۋدا. تىپتى قازىر مەنىڭ قولىمدا بەيىندى باسقارمالار باسشىلارىنىڭ تىكەلەي بايلانىس تەلەفوندارى بار», – دەدى ول. كەزدەسۋ بارىسىندا بالالاردىڭ قۇقىقتارىن قورعاۋ مەن ولاردىڭ ماسەلەلەرىن شەشۋدە بيۋروكراتييالىق كەدەرگىلەر مەن تۇسىنىسپەۋشىلىكتەرگە جول بەرمەي, كەز كەلگەن تۇيتكىلدى دەر كەزىندە ارى بارىنشا تيىمدى شەشۋ قاجەتتىلىگى باسا ايتىلدى. بالانى قورعاۋ – ەلدىڭ بولاشاعىن قورعاۋ دەگەن سوز. ەگەر بۇگىن بىز اربىر بالانىڭ قۇقىعىنىڭ ساقتالۋىن قامتاماسىز ەتىپ, ساپالى بىلىم مەن سەنىمدى قورعاۋ سىيلاساق, ەرتەڭ سانالى دا رۋحى بيىك, ورەلى ۇرپاق تاربيەلەيمىز. ويتكەنى باقىتتى بالالىق شاق قانا جارقىن بولاشاقتىڭ بەرىك ىرگەتاسى بولا الادى. جيىن قورىتىندىسى بويىنشا مەكەمەارالىق اقپارات الماسۋدى جەدەلدەتۋ جانە قالانىڭ اربىر اۋدانىندا بالالاردى قورعاۋ تەتىكتەرىن ناتيجەلى جۇزەگە اسىرۋ بويىنشا ناقتى شەشىمدەر قابىلداندى.

Басқалармен бөлісе отырыңыз
Пікірлер

Басты жаңалықтар

img
Общество 2026-10-18

В Алматы прошло межведомственное совещание по защите прав и безопасности детей
img
Қоғам 2026-10-18

الماتىدا بالالاردىڭ قۇقىقتارى مەن قاۋىپسىزدىگىن قورعاۋ بويىنشا ۆەدومستۆوارالىق وتىرىس وتتى
img
Общество 2026-10-18

ۆ الماتى پروشلو مەجۆەدومستۆەننوە سوۆەщانيە پو زاщيتە پراۆ ي بەزوپاسنوستي دەتەي
news-img
overlay bottom
Общество 2026-10-18
ۆ الماتى پروشلو مەجۆەدومستۆەننوە سوۆەщانيە پو زاщيتە پراۆ ي بەزوپاسنوستي دەتەي

Последние новости

img
Қоғам 2026-10-18

Almatıda balalardıñ qwqıqtarı men qauipsizdigin qorğau boyınşa vedomstvoaralıq otırıs ötti
img
Қоғам 2026-10-18

الماتىدا بالالاردىڭ قۇقىقتارى مەن قاۋىپسىزدىگىن قورعاۋ بويىنشا ۆەدومستۆوارالىق وتىرىس وتتى
img
Общество 2026-10-18

V Almatı proşlo mejvedomstvennoe soveşanie po zaşite prav i bezopasnosti detey

Все новости

news-img
overlay bottom
Қоғам 2026-10-18
Almatıda balalardıñ qwqıqtarı men qauipsizdigin qorğau boyınşa vedomstvoaralıq otırıs ötti
news-img
overlay bottom
Қоғам 2026-10-18
الماتىدا بالالاردىڭ قۇقىقتارى مەن قاۋىپسىزدىگىن قورعاۋ بويىنشا ۆەدومستۆوارالىق وتىرىس وتتى
news-img
overlay bottom
Общество 2026-10-18
V Almatı proşlo mejvedomstvennoe soveşanie po zaşite prav i bezopasnosti detey
news-img
overlay bottom
Общество 2026-10-18
ۆ الماتى پروشلو مەجۆەدومستۆەننوە سوۆەщانيە پو زاщيتە پراۆ ي بەزوپاسنوستي دەتەي
news-img
overlay bottom
Общество 2026-10-18
В Алматы прошло межведомственное совещание по защите прав и безопасности детей
news-img
overlay bottom
Қоғам 2026-10-18
Алматыда балалардың құқықтары мен қауіпсіздігін қорғау бойынша ведомствоаралық отырыс өтті
news-img
overlay bottom
Мир 2026-10-18
V YAponii sostoyalas' ceremoniya otkrıtiya V Aziatskih Para igr
news-img
overlay bottom
Мир 2026-10-18
ۆ ياپونيي سوستويالاسь تسەرەمونييا وتكرىتييا V ازياتسكيح پارا يگر
news-img
overlay bottom
Мир 2026-10-18
В Японии состоялась церемония открытия V Азиатских Пара игр
Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться