Автор: ADMIN
قازاقستاندا قىزمەتكەرلەردى وندىرىستەگى جازاتايىم وقيعالاردان ساقتاندىرۋ قورعانىسى كۇشەيتىلۋدە,- دەپ حابارلايدى “Shalqar.kz”.
قازاقستاندا وندىرىستىك جاراقات العان قىزمەتكەرلەر مەن ولاردىڭ وتباسىلارىن الەۋمەتتىك جانە قارجىلىق قورعاۋ شارالارى كەڭەيتىلۋدە. بۇل باعىتتا ەڭبەك مىندەتتەرىن ورىنداۋ كەزىندە قىزمەتكەرلەردى جازاتايىم وقيعالاردان مىندەتتى ساقتاندىرۋ جۇيەسى جەتىلدىرىلىپ جاتىر.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ 2026 جىلعى 16 قاراشاداعى مالىمەتىنە سايكەس, ەلىمىزدە 2005 جىلدان بەرى جۇمىس ىستەپ كەلە جاتقان مىندەتتى ساقتاندىرۋ جۇيەسى وندىرىستىك جاراقات نەمەسە كاسىپتىك اۋرۋ سالدارىنان دەنساۋلىعىنا زييان كەلگەن قىزمەتكەرلەرگە وتەماقى تولەۋدى كوزدەيدى. قولدانىستاعى تارتىپ بويىنشا, ەگەر قىزمەتكەردىڭ كاسىبي ەڭبەككە قابىلەتتىلىگىنەن ايىرىلۋ دەڭگەيى 5–29 پايىز ارالىعىندا بولسا, جوعالتقان جالاقىسىن وتەۋ مىندەتى جۇمىس بەرۋشىگە جۇكتەلەدى. ال بۇل كورسەتكىش 30–100 پايىز بولعان جاعدايدا تولەمدەردى ساقتاندىرۋ ۇيىمى جۇزەگە اسىرادى. ساقتاندىرۋ جۇيەسى جوعالتقان تابىستى وتەۋمەن قاتار, ەمدەلۋ, دارى-دارمەك ساتىپ الۋ, پروتەزدەۋ جانە وڭالتۋ سيياقتى قوسىمشا شىعىنداردى دا قامتيدى. قىزمەتكەر قايتىس بولعان جاعدايدا ونىڭ وتباسى مۇشەلەرىنە دە قارجىلىق قولداۋ قاراستىرىلعان.
مينيسترلىك دەرەكتەرىنە سايكەس, 2026 جىلعى 15 قاراشاداعى جاعداي بويىنشا قازاقستاندا مىندەتتى ساقتاندىرۋ شارتتارىنىڭ سانى 204,4 مىڭعا جەتكەن. بۇگىندە بۇل جۇيە 4 ميلليوننان استام قىزمەتكەردى قامتىپ وتىر. سونىمەن قاتار جۇمىس بەرۋشىلەرگە وندىرىستىك جاراقاتتىڭ الدىن الۋعا جانە قىزمەتكەرلەردى وڭالتۋعا جۇمسالعان شىعىنداردىڭ ساقتاندىرۋ سىيلىقاقىسىنىڭ 6 پايىزىنا دەيىنگى بولىگىن وتەۋ مۇمكىندىگى بەرىلگەن.
2026 جىلعى قازاندا مەملەكەتتىك اننۋيتەتتىك كومپانييا جۇمىس بەرۋشىلەرگە مىندەتتى ساقتاندىرۋ شارتتارىن ەلەكتروندىق تسيفرلىق قولتاڭبا ارقىلى ونلاين راسىمدەۋگە مۇمكىندىك بەرەتىن سەرۆيستى ىسكە قوستى. الداعى ۋاقىتتا ساقتاندىرۋ جۇيەسىن ودان ارى جەتىلدىرۋ, كاسىبي تاۋەكەلدەرگە قاراي يكەمدى تاريفتەر ەنگىزۋ جانە ەڭبەك قاۋىپسىزدىگىن ارتتىرۋ جوسپارلانىپ وتىر.
مينيسترلىك بۇل شارالار وندىرىستىك جاراقاتتانۋدىڭ سالدارىن ازايتىپ قانا قويماي, جۇمىس بەرۋشىلەردىڭ قاۋىپسىز ەڭبەك جاعدايلارىن جاساۋعا دەگەن جاۋاپكەرشىلىگىن ارتتىرۋعا باعىتتالعانىن اتاپ وتتى.
Басқалармен бөлісе отырыңыз
Пікірлер