2025 жылдың басты экономикалық жаңалықтарының бірі - Қазақстанның жаңа Салық кодексінің қабылдануы. Бұл кодекс салық саясатын түбегейлі өзгертеді, кәсіпкерлер мен азаматтарға жаңа міндеттемелер мен жеңілдіктер ұсынады. Қазақстанның Ұлттық экономика министрі Серік Жұманғарин жаңа кодекс қабылданғаннан кейінгі басты өзгерістерді жариялады, деп хабарлайды Shalqar.kz.

Қосылған Құн Салығы (ҚҚС):
• Негізгі мөлшерлеме - 16%.
• Шекті сома - 40 млн теңге.
• Әлеуметтік маңызы бар азық-түлік, кітаптар, археология - ҚҚС-тан босатылады.
• Дәрі-дәрмек пен ақылы медициналық қызметтер үшін ҚҚС - 10%.

Корпоративтік Табыс Салығы (КТС):
• Негізгі мөлшерлеме - 20%.
• Банк және ойын секторы үшін - 25%.
• Қаржы лизингі мен әлеуметтік салада - 10%-ға дейін өсу.
• Ауыл шаруашылығына - 3%.
• Әлеуметтік салада - 2026 жылдан бастап 5%, 2027 жылдан бастап 10%.
• Өңдеу өнеркәсібінде - 20%.

Салықтарды оңтайландыру:
• Салық түрлері 12-ден 11-ге қысқартылып, бірнеше төлемдер біріктіріледі.
• Мемлекеттік баждар мен алымдар саны азайып, жеңілдіктер қайта қаралады.
• 453 салық жеңілдіктері жойылады, ал 128 жеңілдік алынып тасталады.

Сараланған салық жүйесі:
• Жоғары табысы бар азаматтарға прогрессивті жеке табыс салығы: жылдық табысы 8500 АЕК-тен асатындарға 15% мөлшерлеме.
• Қымбат мүлік, көлік, яхта, ұшақ, алкоголь мен сигараларға «сән-салтанат» салығы мен акциздер салынады.
• Энергетикалық сусындарға акциз енгізіледі.

Арнаулы салық режимдері (АСР):
• АСР саны 7-ден 3-ке дейін қысқартылады: өзін-өзі жұмыспен қамтығандарға арналған, оңайлатылған декларация режимі, фермерлік қожалықтар үшін режимдер.

Инвесторлар үшін ынталандыру:
• Инвестициялар мен құрылыс үшін 100% шегерім.
• Рентабельділігі төмен кен орындарына салықтан 5 жылға нөлдік жеңілдік беріледі.
• Салықтан үнемделген қаражат өңірлік дамуға бағытталады.

Салық әкімшілендіру:
• Салықтық жазалау мен тексерулер қысқартылып, кәсіпорындарға салық жүктемесінің төмендеуімен камеральды бақылау енгізіледі.

Нәтиже:
• Жаңа жүйенің нәтижесінде жыл сайын 4-5 трлн теңге қосымша түсім күтілуде.
• Ұлттық қорға тәуелділік азаяды.
• Қысқа мерзімде инфляция 2,5-3% деңгейінде болуы мүмкін.